Канстанцін Фёдаравіч Сядых

Канстанцін Фёдаравіч Сядых
руск.: Константин Фёдорович Седых
Асабістыя звесткі
Псеўданімы	Дед Софорон і Митька Весельчак
Дата нараджэння	8 (21) студзеня 1908, 21 студзеня 1908(1908-01-21) ці 6 студзеня 1908(1908-01-06)
Месца нараджэння	Забайкальская вобласць, Іркуцкае генерал-губернатарства[d], Расійская імперыя
Дата смерці	21 лістапада 1979(1979-11-21) (71 год)
Месца смерці	Іркуцк, Іркуцкая вобласць, РСФСР, СССР
Пахаванне	Радзішчаўскія могілкі[d]
Грамадзянства	Расійская імперыя  СССР
Прафесійная дзейнасць
Род дзейнасці	пісьменнік, паэт
Кірунак	сацыялістычны рэалізм
Жанр	раман і паэзія
Мова твораў	руская
Грамадская дзейнасць
Член у	Саюз пісьменнікаў СССР
Узнагароды

Канстанцін Фёдаравіч Сяды́х (руск.: Константин Фёдорович Седых; 21 студзеня 1908 — 21 лістапада 1979) — рускі савецкі паэт і пісьменнік.

Біяграфія

Нарадзіўся ў пасёлку Папярэчны Зерэнтуй (Забайкальскі край Расіі). Скончыў школу і ў 1922 годзе паступіў ў Нерчынска-Завадское тэхнічнае вучылішча, у якім правучыўся два гады. У гэты час у якасці сельскага карэспандэнта пачаў друкавацца ў газетах «Забайкальскі рабочы» і «Забайкальскі селянін». З 1925 па 1928 год вучыўся ў Чыцінскім педагагічным вучылішчы, але яго не скончыў. Працаваў у камсамольскіх газетах Сібіры, падчас канфлікту на Кітайска-Усходняй чыгунцы чыгунцы быў карэспандэнтам камсамольскай газеты «Набат моладзі» ў Забайкальскай групе Асобай Далёкаўсходняй арміі. У 1931 годзе пераехаў з Чыты ў Іркуцк. Працаваў карэспандэнтам газеты «Усходне-Сібірская праўда». У час Вялікай Айчыннай вайны К. Ф. Сядых быў ваенным карэспандэнтам вайсковых газет «На баявым пасту» (Чыта) і «Гераічная чырвонаармейская» (Улан-Удэ). Пасля дэмабілізацыі ў 1942 годзе вярнуўся ў Іркуцк.

Памёр К. Ф. Сядых у Іркуцку 21 лістапада 1979 года. Пахаваны на Радзішчаўскіх могілках.

Творчасць

Першы свой верш «Вясна» К. Ф. Сядых напісаў у дзесяцігадовым узросце. Друкавацца пачаў у 1924 годзе. Пісаў вершы, фельетоны, апавяданні, нарысы. Аўтар паэтычных зборнікаў «Забайкалье» (1933), «Сердце» (1934), «Родная степь» (1937), «Праздник весеннего сева», «Первая любовь», «Над степью солнце» (1948), «Солнечный край», «Степные маки» (1969) і інш. Асноўныя тэмы тэімы тволрочасці К. Ф. Сядых:гісторыя і прырода роднага краю, сібірская катарга, грамадзянская вайна, калектывізацыя ў вёсцы, Вялікая Айчынная вайна, мірная праца савецкага народа.

У 1939 годзе ў альманаху «Новая Сібір» былі апублікаваныя першыя главы рамана «Даурыя», у 1948 годзе раман быў цалкам апублікаваны ў Чыцінскім кніжным выдавецтве, а затым у Іркуцку. Працягам рамана стаў раман «Бацькоўскі край», надрукаваны ў часопісе «Святло над Байкалам» (Улан-Удэ) у 1957 годзе, а ў 1958 годзе выдадзены ў Іркуцку. Апошнія гады жыцця К. Ф. Сядых працаваў над раманам «Ранішняе сонца», які павінен быў стаць трэцяй часткай трылогіі, але скончыць яго не паспеў.

Член Саюза пісьменнікаў СССР. Адзін з арганізатараў устаноўчай канферэнцыі забайкальскіх літаратараў у Чыце (1949).

Узнагароды

• Сталінская прэмія другой ступені (1950, за раман «Даурыя»)
• Ордэн Леніна (1967)
• Ордэн Працоўнага Чырвонага Сцяга (1978)
• Медаль «За доблесную працу ў Вялікай Айчыннай вайне 1941—1945 гг.»
• Ганаровы грамадзянін Іркуцка (1967)

Літаратура

• Сяды́х Канстанцін Фёдаравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 336. — 10 000 экз. — ISBN 985-11-0035-8. — ISBN 985-11-0251-2 (т. 15).
• Седы́х Константин Фёдорович // Литературный энциклопедический словарь (руск.) / [Подгот. Е. И. Бонч-Бруевич и др.]; Под общ. ред. В. М. Кожевникова, П. А. Николаева. — М.: Советская энциклопедия, 1987. — С. 695. — 750 с. — 100 000 экз.

Спасылкі

• Константин Фёдорович Седых // Иркутск в лицах (руск.)
• Седых Константин Фёдорович // МБУК «Партизанская межпоселенческая центральная библиотека» (руск.)
• Пришлите «Утреннее солнце»! // Газета «Забайкальский рабочий» (руск.)
• «Певец Забайкалья» К. Ф. Седых. К 105-летию почётного гражданина Иркутска // Гуманитарный центр — библиотека имени семьи Полевых (руск.)
• Литературный проект «Забытые имена». Константин Фёдорович Седых // Климовская центральная библиотека (руск.)
• «Отчий край Константина Седых» // Нерчинская межпоселенческая центральная районная библиотека(недаступная спасылка) (руск.)
• Запевалов В. Н. Седых Константин Фёдорович // ХРОНОС (руск.)