Касцёл Унебаўзяцця Найсвяцейшай Дзевы Марыі (Празарокі)
| Каталіцкі храм | |
| Касцёл Унебаўзяцця Найсвяцейшай Дзевы Марыі | |
|---|---|
 Касцёл Унебаўзяцця Найсвяцейшай Дзевы Марыі ў Празароках | |
| 55°17′48″ пн. ш. 28°13′09″ у. д.HGЯO | |
| Краіна |
 Беларусь |
| Вёска | Празарокі |
| Канфесія | Рымска-каталіцкая царква |
| Епархія | Віцебская дыяцэзія |
| Архітэктурны стыль | неараманскі стыль |
| Заснавальнік | Ю. Шчыт |
| Дата заснавання | 1698 |
| Будаўніцтва | 1899—1907 гады |
| Статус |
 Гісторыка-культурная каштоўнасць Беларусі, шыфр 213Г000407 |
 |
|
 Медыяфайлы на Вікісховішчы | |
Касцёл Унебаўзяцця Найсвяцейшай Дзевы Марыі — каталіцкі храм, знаходзіцца ў паўночнай частцы вёскі Празарокі (Глыбоцкі раён). Помнік архітэктуры неараманскага стылю.
Гісторыя
[правіць | правіць зыходнік]Першы драўляны касцёл быў пабудаваны ў 1698 г. па фундацыі полацкага падкаморыя Ю. Шчыта. Пры ім меўся кляштар францысканцаў. У пачатку 18 ст. кляштарны комплекс згарэў. У 1721 г. на яго месцы смаленскі падхаружы Павел Корсак фундаваў новы касцёл і кляштар, скасаваны ў 1832 г. Чарговы пажар 14 жніўня 1892 г. зноў знішчыў кляштар. У лістападзе таго ж года парафіяне атрымалі дазвол віленскага губернатара на аднаўленне плябаніі і будаўніцтва часовага малітоўнага памяшкання, а ў 1896 г. — на будаўніцтва новага касцёла. Касцёл пабудаваны ў 1899—1907 гг. з цэглы. Закрыты ў 1950 г., зноў адкрыты 29 чэрвеня 1989 г.
Архітэктура
[правіць | правіць зыходнік]Касцёл уяўляе сабой трохнефавы базілікальны храм з пяціграннай апсідай і трохграннымі нізкімі сакрысціямі па яе баках. Накрыты двухсхільным дахам з вальмамі над алтарнай часткай. Вось сіметрыі дзвюхвежавага фасада вылучана ўваходным праёмам і акном-трыфорумам над ім. Карнізныя паясы расчляняюць плоскасць фасада і вежаў на ярусы. Бакавыя плоскасныя фасады рытмічна расчлянёны два ярусамі арачных аконных праёмаў. Цокальны мае бутавую муроўку.
У інтэр'еры плоская столь размалявана ілюзорнымі кесонамі, над уваходам хоры.
Літаратура
[правіць | правіць зыходнік]- Касцёл Унебаўзяцця Найсвяцейшай Дзевы Марыі // Кулагін, А. М. Каталіцкія храмы Беларусі / А. М. Кулагін; фатограф А. Л. Дыбоўскі. — Мн., 2008. — С. 302.
- Касцёл Ушэсця Найсвяцейшай Дзевы Марыі // Кулагін, А. М. Каталіцкія храмы на Беларусі : энцыклапедычны даведнік / А. М. Кулагін; маст. І. І. Бокі. — Мн., 2000. — С. 127—128.
Спасылкі
[правіць | правіць зыходнік]
|
Касцёл Унебаўзяцця Найсвяцейшай Дзевы Марыі (Празарокі) на Вікісховішчы |
|---|
- Касцёл Унебаўзяцця Найсвяцейшай Дзевы Марыі (Празарокі) на сайце Catholic.by (бел.)
- Касцёл Унебаўзяцця Найсвяцейшай Дзевы Марыі (Празарокі) на сайце Radzima.org
- Касцёл Унебаўзяцця Найсвяцейшай Дзевы Марыі (Празарокі) на сайце Глобус Беларусі (руск.)
