Лінас Антанас Лінкявічус

Лінас Антанас Лінкявічус
літ.: Linas Antanas Linkevičius
міністр нацыянальнай абароны Літвы[d] 26 кастрычніка 2000 — 14 снежня 2004
Папярэднік	Česlovas Stankevičius[d]
Пераемнік	Гядзімінас Кіркілас
міністр нацыянальнай абароны Літвы[d] 28 кастрычніка 1993 — 27 лістапада 1996
Папярэднік	Audrius Butkevičius[d]
Пераемнік	Česlovas Stankevičius[d]
міністр замежных спраў Літвы 13 снежня 2012 — 11 снежня 2020
Папярэднік	Аўдронюс Ажубаліс
Пераемнік	Габрыэлюс Ландсбергіс
Нараджэнне	6 студзеня 1961(1961-01-06) (63 гады) Вільня, Вільнюскае гарадское самакіраванне, Літоўская ССР, СССР
Партыя	Сацыял-дэмакратычная партыя, Літва КПСС Дэмакратычная партыя працы Літвы[d]
Адукацыя	Каўнаскі тэхналагічны ўніверсітэт
Узнагароды
Медыяфайлы на Вікісховішчы

Лінас Антанас Лінкявічус (літ.: Linas Antanas Linkevičius; нар. 6 студзеня 1961, Вільнюс, Літоўская ССР) — літоўскі дзяржаўны дзеяч, палітык, дыпламат, міністр замежных спраў Літоўскай Рэспублікі.

Біяграфія

У 1978—1983 гадах навучаўся ў Каўнаскім палітэхнічным інстытуце, які скончыў з дыпломам інжынера. З 1990 года — карэспандэнт газеты «Tiesa» і кансультант парламенцкай фракцыі Літоўскай дэмакратычнай партыі працы.

У 1991—1996 гадах — член Савета Дэмакратычнай партыі працы Літвы. У 1992—1996 гадах — дэпутат Сейма Літоўскай Рэспублікі.

У 1992—1993 гадах — кіраўнік літоўскай парламенцкай дэлегацыі ў Паўночнаатлантычны Асамблеі, намеснік старшыні парламенцкай камісіі па замежных справах, старшыня Моладзевага саюза працы і аглядальнік газеты «Tiesa».

У 1993—1996 гадах — Міністр абароны Літоўскай Рэспублікі. У 1997—2000 гадах — Пасол, кіраўнік прадстаўніцтва Літвы ў НАТА і Заходне-Еўрапейскім саюзе.

У 2000—2004 гадах — Міністр абароны Літоўскай Рэспублікі. У 2004—2005 гадах — Пасол па асобых даручэннях МЗС Літвы. З 2005 года па 2011 год — Пастаянны прадстаўнік Літвы ў НАТА і Паўночнаатлантычным савеце.

З 2011 года — пасол па асобых даручэннях МЗС Літвы, адначасова, з 13 верасня 2011 года па 13 верасня 2012 года — кансультант (на грамадскіх пачатках) прэм’ер-міністра Літвы Андруса Кубілюса.

25 чэрвеня 2012 годзе Прэзідэнт Літоўскай Рэспублікі падпісала ўказ аб яго прызначэнні Надзвычайным і Паўнамоцным Паслом Літвы ў Беларусі з 24 ліпеня 2012 года. 7 снежня 2012 года вызвалены ад пасады пасла.

З 7 снежня 2012 года — міністр замежных спраў Літвы.