Міхаіл Рыгоравіч Батракоў

Міхаіл Рыгоравіч Батракоў
Міхаіл Рыгоравіч Батракоў
Дата нараджэння	5 жніўня 1922
Месца нараджэння	вёска Радуга цяпер Веткаўскага раёна Гомельскай вобласці Беларусі
Дата смерці	16 студзеня 1945 (22 гады)
Месца смерці	Усходняя Прусія
Грамадзянства	СССР;
Прыналежнасць
Род войскаў	бранятанкавыя войскі
Гады службы	1941—1945
Званне	капітан
Камандаваў	танкавай ротай
Бітвы/войны	Вялікая Айчынная вайна

Міхаі́л Рыго́равіч Батрако́ў (5 жніўня 1922, вёска Радуга цяпер Веткаўскага раёна Гомельскай вобласці Беларусі — 16 студзеня 1945) — савецкі афіцэр-танкіст, удзельнік Вялікай Айчыннай вайны, камандзір танкавай роты 120-й асобнай танкавай брыгады 5-й арміі 3-га Беларускага фронту, старшы лейтэнант ^[1].

Герой Савецкага Саюза (24.3.1945)^[2], капітан.

Біяграфія

Нарадзіўся 5 жніўня 1922 года ў вёсцы Радуга цяпер Веткаўскага раёна Гомельскай вобласці Беларусі ў сялянскай сям'і. Беларус. Скончыў няпоўную сярэднюю школу.

У Чырвонай арміі з 1941 года. Удзельнік Вялікай Айчыннай вайны з чэрвеня 1941 года^[2]. Ваяваў на Паўночным Каўказе, Кубані, у Беларусі, Літве, Усходняй Прусіі^[2]. У 1943 годзе скончыў Майкопскае Бранятанкавае вучылішча. Сябра ВКП(б) з 1943 года.

Камандзір танкавай роты 120-й асобнай танкавай брыгады (5-я армія, 3-і Беларускі фронт) старшы лейтэнант Міхаіл Батракоў асабліва вызначыўся ў баях пры вызваленні Прыбалтыкі.

26 ліпеня 1944 даручанае Батракову танкавае падраздзяленне ў кровапралітным баі прарвала моцна умацаваную абарону праціўніка на правым беразе ракі Нёман каля літоўскага горада Каўнаса. Але ў тыле гітлераўцаў шлях танкістам роты старшага лейтэнанта Міхаіла Батракова заступілі тры дзесяткі танкаў праціўніка. Рота афіцэра-танкіста Батракова адбіла 4 контратакі, знішчыўшы пры гэтым 14 танкаў^[2]. Экіпаж танка камандзіра роты старшага лейтэнанта Батракова М. Р. падбіў 5 варожых танкаў^[2].

Указам Прэзідыума Вярхоўнага Савета СССР ад 24 сакавіка 1945 г. за ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым мужнасць і геройства старшаму лейтэнанту Батракову Міхаілу Рыгоравічу прысвоена званне Героя Савецкага Саюза.

Намеснік камандзіра танкавага батальёна па тэхнічнай частцы 120-й танкавай брыгады капітан Батракоў М. Р. загінуў у баі 16 студзеня 1945 на тэрыторыі Усходняй Прусіі^[2]. Пахаваны ў літоўскім горадзе Кібартай^[2].

Узнагароды

Медаль «Залатая Зорка» Героя Савецкага Саюза
Ордэн Леніна
Ордэн Аляксандра Неўскага
Ордэн Айчыннай вайны I ступені
Два ордэна Чырвонай Зоркі

Памяць

Імем Героя названыя вуліца ў горадзе Ветцы Веткаўскага раёна Гомельскай вобласці Беларусі і школа ў роднай вёсцы Радуга. У Радузе пастаўлены помнік^[2]. Усталяваны помнік на алее выбітных ураджэнцаў Веткаўскага раёна на цэнтральнай плошчы г. Ветка.

Зноскі

↑ Пасада і воінскае званне на дату прадстаўлення да прысваення звання Героя Савецкага Саюза.
↑ ^а ^б ^в ^г ^д ^е ^ё ^ж Батраков Михаил Григорьевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 45. — 737 с.

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382
Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2). — С. 350.

Спасылкі

Міхаіл Рыгоравіч Батракоў на сайце «Героі краіны»

[1] Пасада і воінскае званне на дату прадстаўлення да прысваення звання Героя Савецкага Саюза.

[БС-2] а ^б ^в ^г ^д ^е ^ё ^ж Батраков Михаил Григорьевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 45. — 737 с.

[1]

[2]