Уладзімір Сяргеевіч Семяніхін

Уладзімір Сяргеевіч Семяніхін
Дата нараджэння	9 лютага 1918(1918-02-09)
Месца нараджэння	Сумы, УССР
Дата смерці	27 лістапада 1990(1990-11-27) (72 гады)
Месца смерці	Масква, РСФСР, СССР
Месца пахавання	Вастракоўскія могілкі[d]
Грамадзянства	СССР
Род дзейнасці	навуковец, палітык
Месца працы	Навукова-даследчы інстытут аўтаматычнай апаратуры імя акадэміка У. С. Семяніхіна[d] Уральскі оптыка-механічны завод[d] Электрамеханічны завод «Звязда»[d] МІРЭА[d]
Навуковая ступень	доктар тэхнічных навук і спіс правадзейных членаў АН СССР[d] (1972)
Навуковае званне	прафесар
Альма-матар	Маскоўскі энергетычны інстытут
Партыя	КПСС
Член у	Акадэмія навук СССР
Прэміі
Узнагароды

Уладзімір Сяргеевіч Семяні́хін (9 лютага 1918 — 27 лістапада 1990) — савецкі вучоны ў галіне аўтаматыкі і тэлемеханікі, доктар тэхнічных навук (1964), прафесар (1968), акадэмік Акадэміі навук СССР (1972), Герой Сацыялістычнай Працы (1981).

Біяграфія

Нарадзіўся 9 лютага 1918 года ў горадзе Сумы. Скончыў сярэднюю школу ў Данецку. У 1941 годзе скончыў Маскоўскі энергетычны інстытут па спецыяльнасці аўтаматыка і тэлемеханіка і быў накіраваны на завод № 217 Народнага камісарыята ўзбраення СССР у Свярдлоўску. Займаў пасады інжынера, старшага майстра, начальніка цэха. У 1946—1948 гадах У. С. Семяніхі на пасадзе старшага інжынера Тэхнічнага ўпраўлення Міністэрства ўзбраення СССР у Маскве. З 1948 года працаваў на Электрамеханічным заводзе «Зорка» (завод № 569) у Загорску начальнікам цэха, а з 1950 года начальнікам АКБ — галоўным канструктарам завода. У 1963—1971 гадах У. С. Семяніхін на пасадзе дырэктара НДІ-101 (з 1966 года — Навукова-даследчы інстытут аўтаматычнай апаратуры) Міністэрства радыёпрамысловасці СССР у Маскве, а з 1971 года — намеснік Міністра радыёпрамысловасці, член калегіі міністэрства, навуковы кіраўнік Навукова-даследчага інстытута аўтаматычнай апаратуры (НДІАА) і Навукова-даследчага інстытута «Усход». У 1974 годзе вярнуўся працаваць у НДІАА. У лістападзе 1974 годзе стаў генеральным канструктарам інстытута, а ў 1976 годдзе прызначаны яго дырэктарам.

Памёр У. С. Семяніхін 27 лістапада 1990 года. Пахаваны на Вастракоўскіх могілках у Маскве.

Навуковая і грамадская дзейнасць

Аўтар больш за 200 навуковых прац ў галіне аўтаматызаваных сістэм кіравання і і спецыяльнага прыладабудавання. Пад навуковым кіраўніцтвам У. С. Семяніхіна была створана Аўтаматызаваная сістэма кіравання Узброеных Сіл СССР, якая забяспечвае эфектыўны абмен інфармацыяй паміж цэнтрам кіравання і аб’ектамі аўтаматызацыі, раззасяроджанымі па тэрыторыі ўсёй краіны, а таксама спраектаваны шэраг сістэм рэгіянальнага і аб’ектавага ўзроўняў. З 1966 года кіраваў базавай кафедрай «Аўтаматызаваныя сістэмы кіравання» Маскоўскага інстытута радыётэхнікі, электронікі і аўтаматыкі.

У 1979—1989 гадах У. С. Семяніхін абіраўся дэпутатам Вярхоўнага Савета СССР, з’яўляўся членам Прэзідыума Вышэйшай атэстацыйнай камісіі пры Савеце Міністраў СССР.

Узнагароды і прэміі

• Медаль «Залатая Зорка» (1981),
• 3 ордэны Леніна (1971, 1981, 1988),
• Ордэн Кастрычніцкай Рэвалюцыі (1975),
• 2 ордэны Працоўнага Чырвонага Сцяга (1962, 1962),
• Ордэн «Знак Пашаны» (1945),
• 2 Дзяржаўныя прэміі СССР (1970, 1976),
• Ленінская прэмія (1984),
• медалі.

Памяць

Імя акадэміка У. С. Семяніхіна прысвоена Навукова-даследчаму інстытуту аўтаматычнай апаратуры (у 1991 годзе) і караблю Балтыйскага флота. На будынку НДІАА ўстаноўлена мемарыяльная дошка.

Літаратура

• Семяніхін Уладзімір Сяргеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
• Семенихин Владимир Сергеевич // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• Семенихин Владимир Сергеввич // Центр военно-политических исследований МГИМО (руск.)
• Академик Владимир Сергеевич Семенихин // Виртуальный компьютерный музей (руск.)
• Легендарному директору НИИ автоматической аппаратуры Владимиру Сергеевичу Семенихину — 100 лет! Архівавана 25 кастрычніка 2021. (руск.) // Афіцыйны сайт АТ «Ордэна Працоўнага Чырвонага Сцяга Навукова-даследчы інстытут аўтаматычнай апаратуры імя акадэміка У. С. Семяніхіна»
• СЕМЕНИХИН Владимир Сергеевич (руск.) // Сайт Міністэрства абароны Расійскай Федэрацыі