Юпік

Танцор юпік у традыцыйным строі

Юпік (саманазва: Yup’ik, юпик) — група эскімоскіх народаў, якія размаўляюць на галіне моў юпік алеуцка-эскімоскай сям’і моў. Жывуць пераважна ў штаце Аляска (ЗША), Чукоцкай аўтаномнай акрузе (Расія). Агульная колькасць — каля 70 000 чалавек.

Паходжанне

Існуюць 2 асноўныя версіі паходжання народаў юпік — азіяцкая і паўночнаамерыканская. Большасць сучасных даследчыкаў прытрымліваюцца першай версіі, якая заснавана на выніках археалагічных і палеагенетычных даследаванняў. Лічыцца, што продкі юпік, інуітаў, палеаэскімосаў і алеутаў перасяліліся з Азіі ў Паўночную Амерыку праз Берынгаў праліў каля 6 тысяч гадоў таму. У 4 — 3 тысячагоддзях да н. э. на Алясцы склалася мікралітычная культура, якая таксама аказвала ўплыў на жыхароў заходняга берага Берынгава праліва. У канцы 1 тысячагоддзя да н. э. на ўсходзе Аляскі і захадзе Чукоцкага паўвострава сфарміравалася археалагічная культура паляўнічых Берынгава мора, што ўжо непасрэдна датычылася продкаў сучасных юпік. Не раней за XIV ст. юпік пачалі насяляць цэнтральныя землі Аляскі ўздоўж буйных рэк.

Народы

• Сугпіят
• Юпік Цэнтральнай Аляскі
• Азіяцкія эскімосы (Сібірскія юпік)

Спасылкі

• YUPIK
• YUP’IK AND CUP’IK CULTURES OF ALASKA Архівавана 22 ліпеня 2016.
• Yupik (Asiatic Eskimo) Архівавана 12 лістапада 2013.
• Alaska Yupik Tribe
• The Denbigh Flint Complex and the Paleo‐Eskimo Settlement of the High Arctic
• Central Yup’ik Eskimos — History and Cultural Relations