Яраслаў Усеваладавіч

Яраслаў Усеваладавіч
Нараджэнне	8 лютага 1191 Пераслаўль-Залескі, Уладзіміра-Суздальскае княства
Смерць	30 верасня 1246 (55 гадоў) Каракорум[d], Увэр-Хангайскі аймак, Манголія
Месца пахавання	Успенскі сабор, Уладзімір
Род	Рурыкавічы
Бацька	Усевалад Юр’евіч Вялікае Гняздо
Маці	Марыя Шварнаўна[d]
Жонка	Феадосія Мсціслаўна[d]
Дзеці	Аляксандр Яраславіч, Андрэй Яраславіч[d], Міхаіл Яраславіч Харабрыт[d], Яраслаў Яраславіч, Васіль I Яраславіч, Фёдар Яраславіч[d] і Канстанцін Яраславіч[d]
Медыяфайлы на Вікісховішчы

Яраслаў Усеваладавіч (8 лютага 1191, Пераслаўль-Залескі — 30 верасня 1246, Каракорум^[d], Увэр-Хангайскі аймак) — вялікі князь кіеўскі (1236—38) і ўладзімірскі (1238—46).

Біяграфія

Сын Усевалада Вялікае Гняздо, брат вялікага ўладзімірскага князя Юрыя Усеваладавіча, бацька Аляксандра Неўскага. Князь у Пераяслаўлі Паўднёвым (1200—06), Пераяслаўлі Залескім (з 1212). Удзельнік міжусобных войнаў. У 1210—30-я гады неаднаразова быў князем у Ноўгарадзе; імкнуўся пашырыць рускі ўплыў на фінскія землі, змагаўся з нямецкай агрэсіяй (у 1234 нанёс буйное паражэнне крыжакам на р. Эмайыгі ў Эстоніі). Як вялікі князь уладзімірскі імкнуўся аднавіць разбураныя мангола-татарскім нашэсцем гарады і гаспадарчае жыццё, з дапамогай манголаў падпарадкаваць сабе Кіеўскае, Смаленскае і іншыя княствы. У 1243 хан Залатой Арды Батый прызначыў яго вялікім князем усёй Русі. У 1246 выкліканы да вялікага мангольскага хана Гуюка ў г. Каракарум, дзе атручаны (памёр на зваротным шляху).

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).