Генры Форд

З пляцоўкі Вікіпедыя
Перайсці да: рух, знайсці
Генры Форд. 1919 год

Генры Форд (30 ліпеня 1863 года ў Дыэрборн, Мічыган, ЗША – пам. 7 красавіка 1947 года ў Дэтройце, ЗША) – амерыканскі прамысловец, які заснаваў у 1906 годзе аўтамабільную кампанію Ford Motor Company, горад Дэтройт.

Біяграфія[правіць | правіць зыходнік]

Генры нарадзіўся ў сям'і ірландскага эмігранта, фермера. У дзяцінстве, захапіўшыся тэхнікай, працаваў у розных механічных майстэрнях. У 18881899 гг. выконваў абавязкі інжынера-механіка, а потым і галоўнага інжынера ў «Электрычнай кампаніі Эдысана» (Edison Illuminating Company). У 1896 годзе змайстраваў свой першы прататып уласнага аўтамабілю. У 1899 годзе стаў адным з заснавальнікаў фірмы Detroit Automobile Company, якая потым змяніла назву на Cadillac Motor Company. У 1906 годзе, Генры Форд разыйшоўся ў меркаваннях з іншымі заснавальнікамі па пытанні далейшага развіцця кампаніі, у выніку чаго, ён прадаў сваю долю і заснаваў кампанію Форд. Генры Форд быў прыхільнікам вытворчасці вялікай колькасці танных аўтамабіляў.

Форд распачаў сваю прамысловую дзейнасць у перыяд хуткага развіцця матарызацыі, у гэты час на амерыканскім рынку дзейнічала ўжо шмат буйных кампаній. Генры Форд здзейсніў рэвалюцыю ў вытворчасці аўтамабіляў, увёўшы ў вытворчы працэс канвеер і трохзменны працоўны дзень. Ён змог хутка перамагчы ў канкурэнтнай барацьбе вывеўшы на рынак у 1907 годзе аўтамабіль Мадэль Т, арганізаваўшы вытворчасць прадукцыі толькі адной мадэлі аднаго (чорнага) колеру. Дзякуючы гэтаму, кошт Мадэлі Т быў значна ніжэйшы чым у канкурэнтаў, што зрабіла яго даступным да сярэдняга амерыканца. Да заканчэння вытворчасці ў 1927 годзе было зроблена болей 15 млн аўтамабіляў Мадэлі Т.

Першапачаткова Генры Форд выпрабоўваў кожны аўтамабіль (пацвярджаючы гэта ўласным подпісам). Недахоп тэхнічнай адукацыі Генры Форд змог кампенсаваць практычнымі ведамі і інтуіцыяй, з-за чаго ён часта ўмешваўся ў працу сваіх канструктараў, ці непасрэдна кіраваў іх распрацоўкамі.

Даступнасць аўтамабіляў Форда выклікала змену грамадскага жыцця ў ЗША, зрабіўшы магчымым хуткі рост такіх гарадоў як Нью-Ёрк ці Дэтройт, а так сама засяленне аддаленых раёнаў, такіх як Фларыда (якая была спустошана ўраганам 1926 года). Форд, таксама паўплываў на эканамічны ўклад ЗША (увёўшы крэдыты на аўтамабілі).

Перакананні[правіць | правіць зыходнік]

Генры Форд траціў частку сваіх прыбыткаў на антысеміцкую прапаганду сярод новых працоўных. Для гэтага заснаваў Dearborn Publishing Company, якая выдавала газету "The Dearborn Independent". У газеце друкаваліся антысеміцкія артыкулы, якія потым перадрукоўваліся ў іншых выданнях. На гэтыя артыкулы потым, звярнуў увагу Адольф Гітлер. Пасля прыходу да ўлады Гітлера, яны сталі сябрамі.

Што цікава, разам з антысемітызмам, Форд прапагандаваў пацыфізм.

Генры Форд памёр 7 красавіка 1947 года ва ўзросце 83 гадоў.