Горад Берн

Горад

Берн
ням.: Bern
фр.: Berne
іт. Berna
рэтар.: Berna

Герб

Каардынаты: 46°57′03″ пн. ш. 7°26′19″ у. д. / 46.950833° пн. ш. 7.438611° у. д. ^(G) ^(O) ^(Я)46.950833, 7.43861146°57′03″ пн. ш. 7°26′19″ у. д. / 46.950833° пн. ш. 7.438611° у. д. ^(G) ^(O) ^(Я)

Краіна	Швейцарыя
Плошча	51,6 км²
Вышыня цэнтра	542 м
Насельніцтва (2008)	122.925 чалавек
Часавы пояс	UTC+1, улетку UTC+2
Афіцыйны сайт	http://www.bern.ch (ням.) (англ.) (італ.) (фр.)

Берн

Берн на Вікісховішчы

Берн (ням.: Bern, фр.: Berne, іт. Berna, рэтар.: Berna) — горад і сталіца Швейцарыі, таксама кантона Берн, на рацэ Аарэ. Насельніцтва 122.925 чал. (2008).

Гісторыя [правіць]

План Берна ў 1638 годзе

Заснаваны ў 1191 годзе герцагам Берхтольдам V з Цэрынгаў. Існуе шмат як навуковых, так і народнаэтымалагічных версій паходжання назвы горада. Па адной з апошніх версій горад названы ў гонар мадзведзя (па-нямецку Bär), які быў першай жывёлай злоўленай у гэтых мясцінах падчас палявання заснавальнікам горада Берхтольдам фон Цэрынгенам. Таксама існуе версія аб пераносе з Італіі назвы Верона (Verona) з пераапрацоўкай яе ў Берн; перанос матывуюць існаваннем роднасных сувязей мясцовых феадалаў з веронскімі.

Найбольш верагоднай у гэты час лічыцца паходжанне назвы Берн ад кельцкага bren 'гара' ці brena 'шчыліна'.

Першапачаткова горад быў пабудаваны з дубовага лесу, але ў 1405 годзе пажар знішчыў драўляныя будынкі, было знішчана каля 550 дамоў, загінула каля 100 чалавек. Пасля ў горадзе будуць будаваць каменныя будынкі, самыя старыя з іх датуюцца XVI—XVII стагоддзямі. Горад хутка пераўтварыўся ў буйны гандлёвы цэнтр, захапіў многія тэрыторыі. Быў адным з удзельнікаў Швейцарскай Канфедэрацыі. У 1848 годзе стаў сталіцай Швейцарыі.