Красадзён

З пляцоўкі Вікіпедыя
Перайсці да: рух, знайсці
Красадзён
Hemerocallis middendorffii 02.jpg
Навуковая класіфікацыя
Міжнародная навуковая назва

Hemerocallis L.

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   42942
NCBI   16107
EOL   32451
GRIN   g:5515
IPNI   24324-1

Красадзён, таксама Лілейнік[3] (Hemerocállis) — род раслін сямейства Асфадэлавыя.

Назва[правіць | правіць зыходнік]

Назва роду Hemerocallis паходзіць ад грэч. ἡμέρα — «дзень, суткі» і καλός — «прыгожы», што звязана з кароткатэрміновым красаваннем большасці відаў, кожная кветка звычайна квітнее адзін дзень.

Апісанне[правіць | правіць зыходнік]

Шматгадоввія травяністыя карэнішчавыя расліны. Лісце прыкаранёвае, двухраднае, доўгае, шырокалінейнае. Кветаносы вышынёю 30—100 см. Лейкападобныя кветкі буйныя, жоўтыя або аранжавыя ў мяцёлчатых ці галоўчатых суквеццях. Плод — трохгранная каробачка.

Пашырэнне[правіць | правіць зыходнік]

Каля 15 відаў. Пашыраны ва ўмерана цёплых раёнах Еўразіі — Ад Еўропы да Кітая, Карэі і Японіі; у Заходняй Еўропе, ЗША, на Каўказе — здзічэлыя. Вырошчваецца са старажытнага часу. Мае больш за 10 тыс. форм і сартоў. На Беларусі інтрадукаваны красадзён жоўты, красадзён Мідэндорфа, красадзён рыжы і красадзён Тунберга.

Выкарыстанне[правіць | правіць зыходнік]

Дэкаратыўныя расліны. Вяленыя кветкі ў некаторых краінах ужываюць як прыправу да ежы.

Зноскі

  1. Выкарыстоўваецца таксама назва Пакрытанасенныя.
  2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
  3. Напісанне Красадзён, Лілейнік ў адпаведнасці з БЭ ў 18 тамах., Т.8. Мн., 1999, С.454