Манганіт

Манганіт
Формула	MnO(OH)
Прымесь	Fe, Ba, Pb, Cu, Al, Ca
Сінгонія	манаклінная
Колер	чорны, шэры
Бляск	паўметалічны
Празрыстасць	непразрысты
Цвёрдасць	3,5—4
Спайнасць	дасканалая па {010}, сярэдняя па {001} і {110}
Злом	няроўны
Шчыльнасць	4,3 г/см³

Манганіт — мінерал з падкласа гідраксідаў, оксігідраксід марганцу MnO(OH). Змяшчае 89,16 % марганцу, дамешкі жалеза, барыю, свінцу, алюмінію, медзі, кальцыю.

Манганіт з радовішча ў гарах Гарц (Германія)

Крышталізуецца ў манакліннай сінгоніі. Крышталі непразрыстыя, слупкаватыя, прызматычныя і псеўдарамбічныя. Часта ўтварае друзы. Колер цёмна-шэры да чорнага з бураватым адценнем. Шчыльнасць 4,3 г/см³. Цвёрдасць 3,5—4 па шкале Моаса. Паходжанне асадкавае, зрэдку — гідратэрмальнае.

Радовішчы манганіту на тэрыторыі Грузіі, Казахстана, Украіны, Германіі і інш.

Выкарыстанне

Манганіт выкарыстоўваецца ў якасці руды на марганец, у вытворчасці ферамарганцу.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10). — С. 65.
• Геологический словарь: в 2-х томах. — М.: Недра. Под редакцией К. Н. Паффенгольца и др.. 1978. (руск.)
• Горная энциклопедия. — М.: Советская энциклопедия. Под редакцией Е. А. Козловского. 1984—1991. (руск.)

Спасылкі

• Манганит // КаталогМинералов. Ru (руск.)
• Manganite Mineral Data // Mineralogy Database Webmineral.com (англ.)
• На Вікісховішчы ёсць медыяфайлы па тэме Манганіт