Эдгар Алан По

З пляцоўкі Вікіпедыя
Перайсці да: рух, знайсці
Эдгар Алан По
Edgar Allan Poe
Edgar Allan Poe 2.jpg
Дагератып, зроблены ў 1848 годзе, за год да смерці
Імя пры нараджэнні:

Эдгар Алан По

Дата нараджэння:

19 студзеня 1809({{padleft:1809|4|0}}-{{padleft:1|2|0}}-{{padleft:19|2|0}})

Месца нараджэння:

Бостан, ЗША

Дата смерці:

7 кастрычніка 1849({{padleft:1849|4|0}}-{{padleft:10|2|0}}-{{padleft:7|2|0}}) (40 гадоў)

Месца смерці:

Балтымар, ЗША

Грамадзянства:

Flag of the United States.svg ЗША

Род дзейнасці:

пісьменнік
паэт

Кірунак:

рамантызм
сімвалізм

Жанр:

дэтэктыў

Мова твораў:

англійская

Подпіс:

Подпіс

Творы на сайце Lib.ru
Творы ў Вікікрыніцах.

Эдгар Алан По (англ.: Edgar Allan Poe; 19 студзеня 1809, Бостан, ЗША — 7 кастрычніка 1849) — амерыканскі паэт, празаік, эсэіст, вынаходнік дэтэктыўнай навелы (detective story), заснавальнік жанру жахаў (horror), крытык і адна з вядучых постацей амерыканскага рамантызму. Найвялікшую славу здабыў як аўтар «жахлівых апавяданняў».

Біяграфічныя звесткі[правіць | правіць зыходнік]

Нарадзіўся ў сям'і акцёраў. Бацькі, Дэвід По і Элізабет Арналд-По, памерлі рана і амаль адначасова, пакінуўшы траіх дзяцей. Двухгадовага Эдгара ўзяла на выхаванне багатая бяздзетная пара Аланаў, кіруючыся тагачаснай модай на дабрачыннасць. З шасці да адзінаццаці гадоў (1815–20) ён жыве ў Англіі, навучаючыся спачатку ў прыватнай школе – пансіёне Дзюбура (Лондан), а потым у прыгараднай школе "Мэнар-хаўз".

У 17 гадоў Эдгар По паступае ва ўніверсітэт Вірджыніі, адчынены за год да таго Томасам Джэферсанам, але не заканчвае яго. Пасля сваркі з айчымам ён выпраўляецца ў Бостан. Надзеі палепшыць матэрыяльнае становішча публікацыяй вершаў — першы зборнік, выдадзены ананімна, назіў назву "Тамерлан і іншыя вершы" (Tamerlane and Other Poems, 1827) — не спраўдзіліся. Ён завербаваўся ў армію пад імем Эдгара А. Перы, 22 гадоў (насамрэч яму было толькі 18), ураджэнца Бостана, і даслужыўся да звання сяржант-маёра, найвышэйшага для малодшых камандзіраў.

У 1829 зборнік вершаў, цяпер падпісаны яго імем, выходзіць пад назвай "Аль-Аарааф, Тамерлан і малыя вершы" (Al Aaraaf, Tamerlane and Minor Poems).

У 1830 пад прымусам айчыма Эдгар Алан По паступае ў ваенную акадэмію Уэст-Пойнт, але праз год дабіваецца выключэння і з'язджае ў Нью-Ёрк. З 1831 да 1833 жыве ў Балтымары ў сваёй цёткі Марыі Клэм, з дачкой якой Вірджыніяй ён ажэніцца ў 1836.

За час жыцця ў Балтымары ён двойчы ўдзельнічаў у конкурсах на найлепшае апавяданне. Такія конкурсы ладзіліся, каб заахвочваць маладыя таленты і спрыяць развіццю нацыянальнай літаратуры. Апавяданне "Рукапіс, знойдзены ў бутэльцы" было адзначана першай прэміяй на конкурсе 1833 года.

У перыяд з 1830 да 1840 Эдгар По актыўна працуе ў часопісах як літаратурны крытык і піша многія са сваіх найлепшых твораў. У 1840 выходзіць зборнік прозы "Гратэскі і арабескі".

У 1846 зачыняецца часопіс, дзе ён працаваў, а праз год памірае ад сухотаў жонка. Стасункі з Сарай Элен Уітмен скончыліся разрывам праз нервовы і разумовы стан Эдгара По, які ўсё пагаршаўся, да таго ж пагоршылася залежнасць ад алкаголю. За некалькі месяцаў да смерці ён заручаецца з Сарай Эмілі Ройстэр, у якую быў закаханы ў дзяцінстве.

У верасні 1849 Эдгар Алан По з поспехам чытаў у Рычмандзе лекцыю "Паэтычны прынцып", адкуль выехаў, маючы 1500 долараў. Што адбылося потым, невядома. Праз некаторы час яго знайшлі абрабаваным і ў несвядомым стане. Яго прывезлі ў Балтымар, дзе ён памёр у шпіталі.

Творчасць[правіць | правіць зыходнік]

У творчасці пераважаюць матывы прыгажосці, кахання, смерці, хуткаплыннасці ўсяго існага. Паэтычным зборнікам «Тамерлан і іншыя вершы» (1827), «Аль-Аарааф, Тамерлан і малыя вершы» (1829), «Вершы» (1831), «Крумкач і іншыя вершы» (1845) уласцівы сімволіка, сугестыўнасць, музыкальнасць, спалучэнне рамантычнага зместу і лагічнай формы. Стваральнік псіхалагічнай, ці «жахлівай» («Падзенне дома Ашэраў», «Чорны кот», «Вільям Вільсан»), дэтэктыўнай, ці «лагічнай» («Забойства на вуліцы Морг», «Таямніца Мары Ражэ», «Украдзенае пісьмо», «Залаты жук»), навукова-фантастычнай («Рукапіс, знойдзены ў бутэльцы», «Незвычайныя прыгоды нейкага Ганса Пфааля», «Гісторыя з паветраным шарам») навелы. Аўтар «Аповесці аб прыгодах Артура Гордана Піма» (1838), зборнікаў прозы «Гратэскі і арабескі» (т. 1-2, 1840), «Апавяданні» (1845), філасофскай паэмы ў прозе «Эўрыка» (1848), гумарыстычных і сатырычных апавяданняў і інш. Распрацаваў эстэтычную праграму паэзіі («Філасофія творчасці», 1846; «Паэтычны прынцып», 1850), у якой падкрэсліваў значэнне эмацыянальна-псіхалагічнага ўздзеяння твораў («татальны эфект»).

Да творчасці Эдгара Алана По звярталіся кампазітары Клод Дэбюсі, Марыс Равель, Сяргей Рахманінаў, Сяргей Пракоф'еў.

На беларускую мову асобныя яго творы пераклалі Ю. Бушлякоў, С. Шупа, У. Шчасны (проза), А. Мінкін, В. Савіч, А. Хадановіч (лірыка).

Ацэнкі[правіць | правіць зыходнік]

Пры жыцці ён быў практычна невядомы на радзіме. Спачатку, дзякуючы французскім перакладам Шарля Бадлера, яго адкрыла Еўропа, і толькі потым яго творчасць ацаніла Амерыка. Джордж Бернард Шоу выказаўся пра гэта наступным чынам: "По не жыў у Амерыцы, ён там памёр".

Беларускія пераклады[правіць | правіць зыходнік]

  • По Э. Маска Чырвонае Смерці: Выбраныя навелы, вершы, эсэ / Пераклад з англійскай. — Мінск: Кнігазбор, 2011. — 472 с.
    • Апавяданні
    • Авальны партрэт. Пераклад С. Шупы
    • Акуляры. Пераклад М. Мартысевіч
    • Анёл Надзвычайнасцяў. Пераклад К. Дубоўскай
    • Берэніка. Пераклад Г. Янкута
    • Вільям Вільсан. Пераклад В. Рыжкова
    • Д'ябал пярэчання. Пераклад Н. Клабанавай
    • Забойствы на вуліцы Морг. Пераклад У. Шчаснага
    • Залаты жук. Пераклад Ю. Цімафеевай
    • Калодзеж і ківач. Пераклад Ю. Цімафеевай
    • Лігея. Пераклад М. Дзергачовай
    • Марэла. Пераклад М. Дзергачовай
    • Маска Чырвонае Смерці. Пераклад С. Шупы
    • Некалькі выпадкаў з жыцця знакамітасці. Пераклад Г. Янкута
    • Падзенне Дому Ашэраў. Пераклад К. Маціеўскай
    • Падзенне ў Мальстрэм. Пераклад Ю. Шадзько
    • Праўда пра тое, што здарылася з містэрам Вальдэмарам. Пераклад К. Маціеўскай і Г. Янкута
    • Размова з муміяй. Пераклад Г. Янкута
    • Сістэма доктара Смола і прафесара Пер'е. Пераклад К. Маціеўскай
    • Сфінкс. Пераклад Н. Клабанавай
    • Сэрца выкрывае. Пераклад Ю. Бушлякова
    • Цішыня. Пераклад А. Пятровіч
    • Чалавек натоўпу. Пераклад С. Шупы
    • Чорны кот. Пераклад Ю. Бушлякова
    • Элеанора. Пераклад В. Сідарэнка
    • Вершы
    • Анабэль Лі. Пераклад А. Мінкіна
    • Гімн. Пераклад А. Арцёмава
    • Гімн. Пераклад Г. Янкута
    • Да ***. Пераклад Г. Янкута
    • Да Зантэ. Пераклад Г. Янкута
    • Да Ф(рэнсіс) С(арджэнт) О(сгуд). Пераклад Г. Янкута
    • Да Ф***. Пераклад Г. Янкута
    • Да***. Пераклад Г. Янкута
    • Для Эні. Пераклад Г. Янкута
    • Духі мёртвых. Пераклад Г. Янкута
    • Званы. Пераклад Г. Янкута
    • Калізей. Пераклад Г. Янкута
    • Крумкач. Пераклад А. Хадановіча
    • Крумкач. Пераклад А. Мінкіна
    • Лінор. Пераклад Г. Янкута
    • Песня. Пераклад Г. Янкута
    • Раманс. Пераклад М. Шчура
    • Самотны. Пераклад Г. Янкута
    • Санет да навукі. Пераклад Г. Янкута
    • Серэнада. Пераклад Г. Янкута
    • Сон у сне. Пераклад Г. Янкута
    • Сон. Пераклад Г. Янкута
    • Тамерлан. Паэма. Пераклад Л. Баршчэўскага
    • Улялюм. Пераклад А. Мінкіна
    • Улялюм. Пераклад К. Маціеўскай
    • Цішыня. Пераклад Г. Янкута
    • Шчаслівы дзень. Пераклад Г. Янкута
    • Эль — да радасці. Пераклад Г. Янкута
    • Эльдарада. Пераклад А. Хадановіча
    • Эльдарада. Пераклад Г. Янкута
    • Юлалі. Пераклад Г. Янкута
    • Эсэістыка
    • Паэтычны прынцып. Пераклад Г. Янкута
    • Філасофія кампазіцыі. Пераклад Г. Янкута

Спасылкі[правіць | правіць зыходнік]