Іван Кірэевіч Сяркоў

Іван Кірэевіч Сяркоў
Асабістыя звесткі
Дата нараджэння	4 студзеня 1929(1929-01-04)
Месца нараджэння	Пакалюбічы, Пакалюбіцкі сельсавет, Гомельскі раён, Гомельская акруга, БССР, СССР
Дата смерці	27 мая 1998(1998-05-27) (69 гадоў)
Месца смерці	Гомель, Гомельская вобласць, Беларусь
Грамадзянства	СССР  Беларусь
Альма-матар	факультэт журналістыкі БДУ
Месца працы	Тэлерадыёкампанія «Гомель»
Прафесійная дзейнасць
Род дзейнасці	пісьменнік, дзіцячы пісьменнік, паэт, сцэнарыст
Гады творчасці	з 1955
Мова твораў	беларуская
Грамадская дзейнасць
Партыя	КПСС
Член у	Саюз пісьменнікаў СССР
Узнагароды

Іван Кірэевіч Сярко́ў (4 студзеня 1929, вёска Пакалюбічы, Гомельскі раён, Гомельская вобласць — 27 мая 1998) — беларускі дзіцячы пісьменнік.

Біяграфія

Вокладка кнігі Івана Сяркова «Мы з Санькам у тыле ворага» (мал. І. Волкавай; Мінск: Беларусь, 1970)

Нарадзіўся ў сялянскай сям’і. З 1948 года служыў у Савецкай Арміі. Скончыў артылерыйскае вучылішча (1952). Пасля дэмабілізацыі (1955) працаваў у гомельскай раённай газеце «Маяк». Завочна скончыў факультэт журналістыкі Беларускага дзяржаўнага ўніверсітэта (1962). З 1960 года — старшы рэдактар, у 1961—1989 гадах — галоўны рэдактар Гомельскай абласной студыі тэлебачання, з 1977 года адначасова сакратар Гомельскага абласнога аддзялення СП БССР.

Творчасць

Літаратурную працу пачаў у 1962 года з вершаваных гумарэсак і кароткіх гумарыстычных апавяданняў (часопіс «Вожык»). Аўтар аповесцей «Мы з Санькам у тыле ворага» (1968), «Мы — хлопцы жывучыя» (1970), «Мы з Санькам — артылерысты…» (1989).

Напісаў сцэнарый тэлевізійнага мастацкага фільма «Мы — хлопцы жывучыя» (пастаўлены ў 1974 годзе, рэжысёр У. Станкевіч).

Літаратура

• Беларускія пісьменнікі : біябібліягр. слоўнік : у 6 т. — Т. 5. Пестрак—Сяўрук / Ін-т літ. імя Я. Купалы АН Беларусі; Беларус. Энцыкл.; Нацыянальны навукова-асветны цэнтр імя Ф. Скарыны. — Мн.: БелЭн, 1995. — С. 478—479.
• Сяркоў Іван Кірэевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 355. — 10 000 экз. — ISBN 985-11-0035-8. — ISBN 985-11-0251-2 (т. 15).
• Іван Сяркоў // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 526—527. — 653 с.: іл. — 22 000 экз. — ISBN 5-340-00709-X.

Спасылкі

• Сяркоў Іван Кірэевіч на сайце анлайн-энцыклапедыі «Беларусь у асобах і падзеях»
• Мы — хлопцы жывучыя! Да 95-годдзя Івана Сяркова // Калінкавіцкія навіны