Ілья Генадзевіч Багдановіч

Ілья Багдановіч
Поўнае імя	Ілья Генадзевіч Багдановіч
Нарадзіўся	30 студзеня 2004(2004-01-30) (19 гадоў) Баранавічы, Брэсцкая вобласць, Беларусь
Грамадзянства	Беларусь
Пазіцыя	абаронца
Інфармацыя пра клуб
Клуб	Дынама (Брэст)
Нумар	77
Маладзёжныя клубы
2017—2020 Дынама (Брэст)
Клубная кар’ера
2021—2022 Рух (Брэст) 0 (0) 2022— Дынама (Брэст) 1 (0)
Нацыянальная зборная
2023— Беларусь (да 21) 1 (0)

Ілья Багдановіч (нар. 30 студзеня 2004, Баранавічы) — беларускі футбаліст, абаронца брэсцкага «Дынама» і моладзевай зборнай Беларусі.

Клубная кар’ера

У 2017 годзе далучыўся да акадэміі брэсцкага «Дынама», гуляў за юнацкія каманды клуба. У пачатку 2021 года разам з акадэміяй дынамаўцаў перайшоў у брэсцкі «Рух», дзе стаў выступаць за дубль. У пачатку 2022 года «Рух» зняўся з чэмпіянату Беларусі, але абаронца працягваў выступаць за каманду клуба ў юнацкім першынстве.

У ліпені 2022 года падпісаў двухгадовы кантракт з брэсцкім «Дынама», дзе таксама стаў гуляць за дубль. 2 верасня 2022 года дэбютаваў у Вышэйшай лізе, выйшаўшы на замену ў канцы сустрэчы з «Мінскам» (3:1). У далейшым у асноўнай камандзе толькі заставаўся на лаўцы запасных.

У студзені 2023 года падпісаў новае двухгадовае пагадненне з «Дынама».

Міжнародная кар’ера

15 лістапада 2023 года дэбютаваў у моладзевай зборнай Беларусі, адгуляўшы другі тайм таварыскага матча супраць Расіі (1:3).

Статыстыка выступленняў

Сезон	Дывізіён	Клуб	Краіна	Матчы	Галы
2021	дубль	Рух		9	0
2022 (2)	Д1	Дынама		1	0