Іван Паўлавіч Сайкоў

Іван Паўлавіч Сайкоў
Дата нараджэння	24 кастрычніка 1911(1911-10-24)
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	13 лютага 1989(1989-02-13) (77 гадоў)
Краіна	СССР
Месца працы	Беларускі дзяржаўны Вялікі тэатр оперы і балета Саратаўскі акадэмічны тэатр оперы і балета
Музычная дзейнасць
Прафесіі	дзеяч мастацтваў
Пеўчы голас	драматычны тэнар[d]
Узнагароды

Іван Паўлавіч Сайко́ў (24 кастрычніка 1911, Гомель — 13 лютага 1989) — беларускі і расійскі артыст оперы (драматычны тэнар), народны артыст БССР (1955).

Біяграфія

Вучыўся ў харавой студыі пры Дзяржаўным тэатры оперы і балета Беларусі (1938—1939). Працаваў у тэатрах музычнай камедыі Беларусі. У 1949—1956 гадах саліст Дзяржаўнага тэатра оперы і балета Беларусі, у 1956—1977 гадах — Саратаўскага тэатра оперы і балета.

Творчасць

Валодаў выразным гоасам шырокага дыяпазону, вялікім драматычным тэмпераментам, глыбока адчуваў характар вобраза. У канцэртным рэпертуары беларускія і рускія народныя песні, рамансы і інш. Сярод выкананых оперных партый: Сяргей («Дзяўчына з Палесся» Я. Цікоцкага), Стэфан («Стары двор» С. Манюшкі), Герман, Вадэмон, Вакула («Пікавая дама», «Іаланта», «Чаравікі» П. І. Чайкоўскага), Хазэ («Кармэн» Ж. Бізэ), Каварадосі («Тоска» Дж. Пучыні).

Літаратура

• Глушакоў І. В. Сайкоў Іван Паўлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 82. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сайко́ў Іван Паўлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 642. — 800 с. — 5 000 экз. — ISBN 985-11-0026-9.

Спасылкі

• Іван Паўлавіч Сайкоў на сайце анлайн-энцыклапедыі «Беларусь у асобах і падзеях»