Абмежаванне цаны на расійскую нафту (2022)

З Вікіпедыі, свабоднай энцыклапедыі

У рамках санкцый, накладзеных на Расійскую Федэрацыю ў выніку расійска-ўкраінскай вайны, 2 верасня 2022 года міністры фінансаў краін G7 дамовіліся абмежаваць цану на расійскую нафту і нафтапрадукты  (руск.)[1]. Да абмежавання цэн далучыліся дзяржавы Вялікай сямёркі, Еўрапейскі Саюз, Аўстралія[2], Албанія, Боснія і Герцагавіна, Ісландыя, Ліхтэнштэйн, Нарвегія, Паўночная Македонія, Украіна, Чарнагорыя[3] і Швейцарыя[4].

Агляд[правіць | правіць зыходнік]

Расія была абаронена ад наступстваў санкцый, звязаных з нафтай і газам, з-за росту сусветных цэн на іх. Мэта ўвядзення цэнавай мяжы заключаецца ў ліквідацыі «падушак бяспекі», каб даходы, атрыманыя дзяржавай, былі абмежаваны і не павялічваліся, калі сусветныя цэны на нафту і газ у будучыні вырастуць. Акрамя таго, гэта значна ўскладніць арэнду нафтавых танкераў для краіны, што яшчэ больш абмяжуе колькасць нафты, якую яна можа прадаць і адправіць кліентам. Дадзены факт значна скароціць даходы[5]. Ужо з 5 снежня расійская нафта скончыла пастаўляцца ў Еўропу[6][7].

Еўрапейскі Саюз папярэдне пагадзіўся 1 снежня ўсталяваць першапачатковую верхнію мяжу цаны барэля расійскай марской нафты ў памеры 60 долараў ЗША з механізмам карэкціроўкі, каб захаваць верхнію мяжу на ўзроўні 5 % ніжэй рынкавай цаны[8]. 2 снежня ЕС пацвердзіў лімітавую цану і далучыўся да краін G7 і Аўстраліі, якія ўвялі санкцыі з 5 снежня з двума штомесячнымі пераглядамі ўзроўню лімітавай цаны.[9]

Абмеркаванне[правіць | правіць зыходнік]

У пачатку верасня 2022 года міністр фінансаў Францыі Бруна Лё Мэр  (фр.) сказаў, што для поспеху гэтай прапановы спатрэбіцца больш шырокі міжнародны ўдзел, заявіўшы, што гэта «не павінна быць заходняй мерай супраць Расіі, гэта павінна быць глабальнай мерай супраць вайны»[10]. У адказ Расія прыгразіла прыпыніць продажы ў краіны, якія падтрымаюць абмежаванне[11]. Аналітыкі ў галіне энергетыкі выказалі скептыцызм у дачыненні да рэалістычнасці санкцыі, паколькі кааліцыя недастаткова шырокая; АПЕК+ назвала гэты план абсурдным[12].

У кастрычніку Індыя (трэці па велічыні імпарцёр нафты ў свеце) абвясціла, што не будзе далучацца да мер па абмежаванні цаны на расійскую нафту, так як краіна атрымлівала яе са значнай зніжкай і разглядае Расію як стратэгічнага эканамічнага партнёра[13].

Узровень лімітавай цаны падрабязна абмяркоўваўся бакамі пагаднення. 28 лістапада Міжнародная рабочая група па расійскім санкцыям пры FSI Stanford паведаміла, што ліміт у памеры 75 дол. ЗША за барэль будзе горш, чым поўная адсутнасць абмежаванняў. 55 долараў за барэль скароціць даходы Расіі ад нафты да 166 мільярдаў, што абмяжуе фінансы расійскай дзяржавы, перш чым можна будзе рэкамендаваць абмежаванне 35 долараў за барэль, што скароціць даходы да 100 мільярдаў, а гэта прывядзе да сур’ёзных фінансавых зменаў[5].

Рэакцыя[правіць | правіць зыходнік]

Расія[правіць | правіць зыходнік]

Ва ўмовах, калі страхаванне і перастрахаванне суднаходства звычайна паступаюць з Еўропы ці ЗША, а Сіндыкаты Лойда  (англ.) абвяшчаюць расійскія воды зонай рызыкі ваенных дзеянняў, што робіць страхаванне цяжкадаступным і дарагім, краіна пачала імкнуцца паскорыць запуск уласнага страхавання суднаходства[14].

Крэмль пачаў рыхтаваць указ прэзідэнта, які забароніць расійскім кампаніям і любым трэйдарам прадаваць нафту ўсім, хто ўдзельнічае ў санкцыі. Указ таксама забараняе весці справы як з кампаніямі, так і з краінамі, якія далучыліся да механізму абмежавання цаны[15]. Адначасова Расія разглядала магчымасць закупіць 100 старых (12-15 гадоў) нафтавых танкераў для стварэння «ценявога флоту» для абыходу магчымых санкцый[16].

Украіна[правіць | правіць зыходнік]

Прэзідэнт Украіны Уладзімір Зяленскі назваў прынятае абмежаванне «слабой пазіцыяй» і недастаткова «сур’ёзным», каб нанесці шкоду расійскай эканоміцы  (руск.)[17].

Дзеянне санкцый[правіць | правіць зыходнік]

Пры невыкананні ўмоў лімітнай цаны Расія згубіць доступ да:

  • каля 55 % танкераў, якія вывозяць расійскую нафту з краіны (усе яны належаць Грэцыі)[18];
  • страхавыя паслугі размешчанай у Лондане міжнароднай групы клубаў узаемнага страхавання суднаўладальнікаў International Group of P&I Clubs — яна забяспечвае страхавымі паслугамі каля 95% сусветнага танажу марскіх судоў[19];
  • паслуг швейцарскіх трэйдараў[2].

Гл. таксама[правіць | правіць зыходнік]

Зноскі

  1. Toh. G7 countries agree to cap the price of Russian oil | CNN Business. CNN (2 верасня 2022).
  2. а б G7 вслед за ЕС ввела потолок цен на нефть из России. Сократится "важнейший источник доходов Путина", считают США//BBC, 2 декабря 2022
  3. Declaration by the High Representative on behalf of the EU on the alignment of certain third countries concerning restrictive measures in view of Russia’s actions destabilising the situation in Ukraine//Council of the EU, 13 October 2022
  4. Швейцария реализует нефтяные санкции ЕС в отношении России//swissinfo.ch, 23 ноября 2022 года
  5. а б Working Group Paper #10 Implementation of the Oil Price Cap. Праверана 30 November 2022.
  6. «US to protect Russian oil trade P&I providers» argusmedia.com. Retrieved 21 Sept 2022.
  7. «Russian oil still flowing to Europe via waters off Greece» nikkei.com. Retrieved 21 Sept 2022.
  8. EU tentatively agrees $60 price cap on Russian seaborne oil -document. Праверана 1 December 2022.
  9. EU agrees to impose price cap on Russian oil. Праверана 2 December 2022.
  10. Gilchrist. Russian oil price cap requires global commitment, France says, will be difficult to implement. CNBC.
  11. Russia says it will stop selling oil to countries that set price caps. Reuters (2 верасня 2022).
  12. Slav, Irina (Sep 05, 2022) «Why The Russian Oil Price Cap Won’t Work» oilprice.com. Retrieved 7 September 2022.
  13. «India may not join US-led push to cap prices of Russia oil» livemint. Retrieved 17 Oct 2022.
  14. Russia seeks to boost acceptance of its shipping insurance to dodge oil cap. Праверана 1 December 2022.
  15. Russia Drafts Decree Banning Oil Sales to Price-Cap Participants. Праверана 25 November 2022.
  16. Russia assembles a 'shadow fleet' of more than 100 oil tankers as Putin tries to bust western sanctions, report says. Праверана 3 December 2022.
  17. https://www.bbc.com/news/world-europe-63848257
  18. Ukraine’s Allies Agree on Russian Oil Price Cap. Праверана 3 December 2022.
  19. UK Seeks to Cap the Price of Russian Oil With Insurance Move//Bloomberg, 3.11.2022