Агюстэн Жан Фрэнель

З пляцоўкі Вікіпедыя
Перайсці да: рух, знайсці
Агюстэн Жан Фрэнель
фр.: Augustin Fresnel
Augustin Fresnel.jpg
Дата нараджэння

10 мая 1788(1788-05-10)[1][2][3][4][5]

Месца нараджэння

Браглі[d], дэпартамент Эр, рэгіён Верхняя Нармандыя, Францыя

Дата смерці

14 ліпеня 1827(1827-07-14)[1][2][3][4][5] (39 гадоў)

Месца смерці

Віль-д’Аўрэ[d], дэпартамент О-дэ-Сен, рэгіён Іль-дэ-Франс, Францыя

Месца пахавання

Пер-Лашэз

Грамадзянства

Flag of France.svg Францыя

Род дзейнасці

фізік, інжынер у грамадзянскім будаўніцтве

Навуковая сфера

Оптыка

Альма-матар

Політэхнічная школа[d]
Lycée Malherbe[d]
Нацыянальная школа мастоў і дарог[d]

Узнагароды і прэміі
Commons-logo.svg Агюстэн Жан Фрэнель на Вікісховішчы

Агюстэн Жан Фрэнель (фр.: Augustin-Jean Fresnel; 10 мая 1788 — 14 ліпеня 1827) — французскі фізік, адзін са стваральнікаў хвалевай тэорыі святла.

Біяграфія[правіць | правіць зыходнік]

Нарадзіўся ў Браглі (дэпартамент Эр) 10 мая 1788 года. У 1806 годзе скончыў Політэхнічную школу. У 1809 годзе таксама скончыў Школу мастоў і дарог у Парыжы. У перыяд 100 дзён (часовае вяртанне Напалеона з ссылкі) працаваў інжынерам, пасля чаго пазбавіўся працы як удзельнік ваенных дзеянняў. Пасля перайшоў у політэхнічную школу.

Асноўныя працы Фрэнеля прысвечаны фізічнай оптыцы. Фізіку вывучаў самастойна пасля азнаямлення з працамі Э. Малюса. Таксама самастойна пачаў праводзіць эксперыменты па оптыцы. У 1815 годзе пераадкрыў прынцып інтэрферэнцыі, прарабіўшы ў параўнанні з Томасам Юнгам некалькі новых вопытаў (у прыватнасці вопыт з «білюстрамі Фрэнеля»). У 1816 годзе дапоўніў прынцып Гюйгенса, увёўшы ўяўленне пра кагерэнтную інтэрферэнцыю элементарных хваляў, выпраменьваных другаснымі крыніцамі (прынцып Гюйгенса—Фрэнеля). Зыходзячы з гэтага прынцыпу, у 1818 годзе распрацаваў тэорыю дыфракцыі святла, на аснове якой прапанаваў метад разліку дыфракцыйнай карціны, заснаваны на разбіцці фронту хвалі на зоны (так званыя зоны Фрэнеля). З дапамогай гэтага метаду разгледзеў задачу аб дыфракцыі святла на краі паўэкрана і круглай адтуліны. У 1821 годзе незалежна ад Т. Юнга даказаў папярочнасць светлавых хваляў. У 1823 годзе ўсталяваў законы змены палярызацыі святла пры яго адбітку і пераламленні (формулы Фрэнеля). Вынайшаў некалькі новых інтэрферэнцыйных прыбораў (люстэрка Фрэнеля, біпрызма Фрэнеля, лінза Фрэнеля).

У 1823 годзе Фрэнэль быў абраны членам Парыжскай АН. У 1825 годзе стаў членам Лонданскага каралеўскага таварыства. Яго імя ўнесена ў спіс найвялікшых вучоных Францыі, змешчаны на першым паверсе Эйфелевай вежы.

Зноскі

  1. 1,0 1,1 data.bnf.fr: платформа адкрытых дадзеных — 2011.
  2. 2,0 2,1 Архив по истории математики Мактьютор
  3. 3,0 3,1 Augustin-Jean Fresnel
  4. 4,0 4,1 Комитет исторических и научных работ — 1834.
  5. 5,0 5,1 Encyclopædia Britannica