Акцябрскі (Башкартастан)

Горад
Акцябрскі
руск.: Октябрьский
Сцяг Герб
54°29′00″ пн. ш. 53°29′00″ у. д.
Краіна	Расія
Рэгіён	Башкартастан
Кіраўнік	Q28500945?
Гісторыя і геаграфія
Заснаваны	1937
Першая згадка	1632
Вышыня цэнтра	140 м
Часавы пояс	UTC+5
Насельніцтва
Насельніцтва	▲ 109 722 чалавек (2010)
Афіцыйная мова	башкірская мова і руская
Лічбавыя ідэнтыфікатары
Тэлефонны код	34767
Паштовыя індэксы	452600-452616
Аўтамабільны код	02, 102
oktadm.ru/
Паказаць/схаваць карты
Акцябрскі Акцябрскі
Медыяфайлы на Вікісховішчы

Акцябрскі (руск.: Октябрьский) — горад (з 1946) у Расіі, у складзе Башкартастана. Насельніцтва 107,7 тыс. чал. (2005). Заснаваны ў 1946 годзе. Горад размешчаны на мяжы з Татарстанам, на рацэ Ік, ля федэральнай трасы аўтамагістраль М5 (Масква—Чалябінск), за 188 км ад Уфы.

Горад Акцябрскі — буйны індустрыяльны цэнтр. У структуры прамысловай вытворчасці на долю прадпрыемстваў машынабудавання прыходзіцца 43 %, паліўнай прамысловасці — 32 %. Прадпрыемствы горада выпускаюць нафтапрамысловае і аўтатранспартнае абсталяванне, нізкавольтную апаратуру, будаўнічыя канструкцыі і матэрыялы, вахтавыя і жылыя комплексы, аўтамабільныя прылады, абутак, швейныя і парцалянавыя вырабы.

Асноўныя прадпрыемствы: Нафтагазаздабываючае ўпраўленне ПАТ АНК «Башнафта», упраўленне «Башнафтагазпрам», ААТ АК «ОЗНА», АТ АК «АПРИ», АТ «Нізкавольтнік», АТ «Нафтамаш». Аўтамабільная прамысловасць у горадзе прадстаўленая АТ АК «АПРИ», якая спецыялізуецца на выпуску аўтамабільных прыбораў практычна для ўсіх аўтамабільных, трактарабудаўнічых і камбайнавых заводаў Расіі. Прадукцыя АТ «Нізкавольтнік» — ад нізкавольтных камплектных прылад і шчытоў кіравання да складанай электраапаратуры — пастаўляецца больш 30 краін свету. За апошнія дзесяцігоддзі ў горадзе створаная магутная будаўнічая база, прадстаўленая заводамі АТ «Блокжылкамплект», «Жалезабетонных канструкцый», «Будаўнічых матэрыялаў», «Буйнапанэльнага домабудавання» і будаўніча-мантажнымі прадпрыемствамі, прыярытэтнымі накірункамі якіх з’яўляецца прамысловае і жыллёвае будаўніцтва, будаўніцтва нафта- і газаправодаў.

У вытворчым патэнцыяле горада прыкметнае месца займае акцыянерная кампанія «ОЗНА», асноўнай прадукцыяй якой з’яўляецца аўтаматызаваныя тэхналагічныя ўстаноўкі «Спадарожнік», запасныя часткі да свідравальнага абсталявання, электравадагрэйныя катлы, розныя прыборы.

Дзейнічае Навукова-даследчы інстытут геафізічных даследаванняў свідравін, праводзіць даследаванні і распрацоўкі ў галіне геафізічных даследаванняў свідравін на ўсіх этапах іх будаўніцтва і засваення.

Спасылкі

• На Вікісховішчы ёсць медыяфайлы па тэме Акцябрскі (Башкартастан)