Стэрлітамак

Горад Стэрлітамак руск.: Стерлитамак Герб Сцяг Краіна Расія Рэгіён Башкартастан Каардынаты 53°38′00″ пн. ш. 55°57′00″ у. д. Заснаваны 1735 Першае згадванне 1735 Горад з 1781 Плошча 259 км² Вышыня цэнтра 150 м Насельніцтва ▲ 272 394 чалавек (2010) Часавы пояс UTC+5 Тэлефонны код 3473 Паштовы індэкс 453100 Аўтамабільны код 02, 102 Афіцыйны сайт sterlitamakadm.ru Стэрлітамак на карце Расіі ±

Стэрлітамак на Вікісховішчы

Стэрлітамак (руск.: Стерлитамак, башк.: Стәрлетамак) — горад (з 1781) у Расіі, адміністрацыйны цэнтр Стэрлітамакскага раёна Башкартастана. Насельніцтва 270,0 тыс. чал. (2006). Заснаваны ў 1735 годзе.

Горад размешчаны на левым беразе ракі Белая (прыток Камы), за 130 км ад Уфы. У цэнтральнай частцы горада працякае рака Сцярля, упадаючы ў раку Ашкадар ва ўсходняй частцы Стэрлітамака.

Буйны цэнтр хімічнай прамысловасці і машынабудавання. Эканамічны патэнцыял горада шмат у чым вызначаюць буйныя хімічныя і нафтахімічныя прадпрыемствы, такія як акцыянерныя таварыствы «Сода», «Каўстык», «Сінтэз-Каўчук», «Нафтахімічны завод». Менавіта гэтыя чатыры горадаўтваральныя гіганты замацавалі за Стэрлітамакам званне «горада вялікай хіміі». Машынабудаўнічая і станкабудаўнічая галіны вытворчасці ў горадзе прадстаўленыя буйнымі акцыянернымі таварыствамі: «Стэрлітамакскі станкабудаўнічы завод», «Чырвоны пралетарый», «Вагонарамонтны завод», «Завод Будмаш», Канцэрн «Інмаш». Акрамя таго, у горадзе працуюць магутныя прадпрыемствы будіндустрыі і будматэрыялаў.

Вядомыя ўраджэнцы і жыхары

• Ігар Ігаравіч Палівода (1950—1996) — беларускі кампазітар, піяніст.

Гл. таксама

• Беларуская вуліца

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).