Аляксей Дзермант

З пляцоўкі Вікіпедыя
Jump to navigation Jump to search
Аляксей Дзермант
Дата нараджэння 4 чэрвеня 1979(1979-06-04) (40 гадоў)
Месца нараджэння
Род дзейнасці публіцыст

Аляксей Дзермант, або Аляксей Валер'евіч Дзерман[1], ці Аляксей Дзерманіс[2][3] (нар. 4 чэрвеня 1979 у г. Талгар, Алма-атынскай вобласці, Казахскай ССР[4]) — беларускі філосаф, палітолаг.

Біяграфія[правіць | правіць зыходнік]

Скончыў Акадэмію кіравання пры прэзідэнце Рэспублікі Беларусь (спецыяльнасць юрыст), аспірантуру Інстытута філасофіі НАН Беларусі. Выкладаў палітычную гісторыю і гісторыю палітычных ідэй Беларусі ў ЕГУ, адкуль сышоў у 2010 годзе з групай іншых выкладчыкаў з-за парушэння акадэмічных свабод. Працаваў малодшым навуковым супрацоўнікам Інстытута філасофіі НАН Беларусі.

Кірункі навуковай дзейнасці: беларуская і балцкая міфалогія, праблемы этнагенезу беларусаў, міфалогія ўлады, палітычная і этнічная гісторыя Беларусі, філасофія традыцыяналізму, гісторыя ідэй.

Аўтар больш за 40 публікацый у навуковых і навукова-папулярных выданнях Беларусі, Літвы, Польшчы, Украіны, Расіі.

У 2002 годзе быў адным з заснавальнікаў суполкі «Гега рух».[3] Суполка пазіцыянавала сябе як прадстаўніцтва еўрапейскага ультраправага[5][6][7] неаязычніцкага руху Heathen Front[en].[8] У ліку сваіх папярэднікаў «Гега рух» бачыў, сярод іншых, дзеячаў Беларускай нацыянал-сацыялістычнай партыі Уладзіслава Казлоўшчыка і Фабіяна Акінчыца.[9]

Пасля беларускіх падзей 2010 года і ўкраінскіх падзей 2013—2014 гадоў, паводле ўласных словаў, трымаецца «антыфашысцкіх»[10] і «антынацыяналістычных»[11] поглядаў.

У 2005—2012 гадах быў укладальнікам і выпускаючым рэдактарам часопіса «Друвіс» («DRUVIS», выйшла тры нумары — 2005, 2008, 2011).

Выдаў артыкулы пра этнагенез беларусаў («Крывічы» і «Этнагенез беларусаў», апошні разам з С. Санько), гісторыю паганства ў Беларусі («Паганскае адраджэньне на Беларусі»), гісторыі ідэй («Arcana imperii. Casus Lithuaniae», «Русь і Крывія», апошні разам з Я. Чурылавым).

У студзені 2012 года пакінуў склад Цэнтра «Крыўя» і рэдакцыі часопіса «Друвіс». Зараз уваходзіць у склад суполкі «Цытадэль».

Галоўны рэдактар альманаха «Сівер».

Паходжанне прозвішча[правіць | правіць зыходнік]

Найбольш верагоднае паходжанне ад літоўскага Dermantas (літ. dereti ‘пасаваць, быць адпаведным, належным’+ літ. mintis ‘думка’), заканамерна трансфармаванае на славянскай моўнай глебе: Dermantas < Дзермант < Дзермонт < Дзерм(а)он (параўн. Eismantas < Эйсмант < Эйсмонт < Эсьмон < Есьман). Сярод беларусаў найчасцей сустракаецца ў жыхароў ваколіц Баранавіч, адкуль паходзяць продкі Аляксея Дзерманта па мужчынскай лініі.

Таксама прозвішча Дзерман сустракаюцца сярод беларусаў, латышоў[12], палякаў[13], украінскіх яўрэяў[14].

Зноскі

  1. научный сотрудник Института философии Национальной академии наук Беларуси", руководитель общественной экспертной организации «Цитадель» — Дерман Алексей Валерьевич
  2. Водгук — Пра паганства і Друвінгаў
  3. 3,0 3,1 Прэзэнтацыя gegaruch.org на Радыё Рацыя, 18 сакавіка 2002 г.
  4. Родился в семье военнослужащих в 1979 году в г. Талгар, Алма-Атинской области, Казахской ССР.
  5. Searchlight Magazine: Nazi black metal leader arrested in the US
  6. [1]
  7. Antisemitism Worldwide 2000/1 — Sweden
  8. Сайт Гега рух (архіўная версія): Druve. Krauja. Zeme.: «ĢEGA Ruch — Kryuskaja Draugija Druvingau — першае прававітае афіцыйнае прадстаўніцтва эўрапейскага рушання Heathen Front на балцкіх землях: Крыўя, Латґалія, Латвія, Літва. Разам з азначэннем Kryuskaja Draugija Druvingau ĢEGA Ruch мае адгэтуль таксама выкарыстоўваць дадатак Kryuski Druvijski Front (Krivian Heathen/ Druvian Front, KHF).»
  9. Сайт Гега рух (архіўная версія): «Našyja Papiaredniki: Вацлаў Ластоўскі / Фабіян Акінчыц / Уладзіслаў Казлоўшчык / Вітаўт Тумаш»]
  10. Мы победили, но война не закончена: «Есть и ещё один аспект — из памяти выхолащивается смысл той войны и той Победы. Ведь это было не просто противостояние двух геополитических гигантов, мировоззрений и систем. Тогда объединились все, кто противостоял абсолютному злу. Никогда до того в истории идеология, провозглашавшая своим принципом культ неравенства людей, не получала таких механизмов уничтожения всех тех, кто попадал на низшие ступени этнической и расовой иерархии. Никогда до того не создавалась настолько рационально и технологически оснащённо организационная машина массового уничтожения людей.»
  11. Белорусский проект будущего: «Националистическая идеология в Беларуси повторяет существующий восточноевропейский канон национализма и обязательно предполагает глубокое вовлечение в проблемы древней истории, вопросы символики и эстетики, апологию лингвоцентризма и сильный антироссийский аффект. К сожалению или к счастью, никакого другого национализма и его наполнения в Восточной Европе сейчас нет и не предвидится. Очевиден и результат его сколь-либо длительного влияния на общество: Украина, Грузия, Молдова, страны Балтии никак не могут быть примерами реализации позитивной программы и выбора, показывающего достойный пример для белорусов».
  12. Генриетта Карловна Дерман
  13. Дерман Юзефа Адамовна
  14. Jewish Encyclopedia of Russia — Surnames starting with the letter D: DERMAN Abram Borisovich, 1880, Lisichansk, Ekaterinoslav; DERMAN Grigory Lvovich, 1889, Bakhmut, Ekaterinoslav

Спасылкі[правіць | правіць зыходнік]

Звязаныя спасылкі[правіць | правіць зыходнік]

Тэксты А. Дзерманта[правіць | правіць зыходнік]