Аляксій II (Патрыярх Маскоўскі)

Аляксій II
15-ы Найсвяцейшы Патрыярх Маскоўскі і ўсяе Русі 7 чэрвеня 1990 — 5 снежня 2008
Царква	Руская праваслаўная царква
Папярэднік	Патрыярх Пімен
Пераемнік	Патрыярх Кірыл
Мітрапаліт Ленінградскі і Наўгародскі 29 ліпеня 1986 — 19 ліпеня 1990
Папярэднік	Антоній (Мельнікаў)
Пераемнік	Іаан (Снычаў)
5-ы Кіраўнік справамі Маскоўскай Патрыярхіі 22 снежня 1964 — 29 ліпеня 1986
Папярэднік	Пімен (Ізвекаў)
Пераемнік	Сергій (Пятроў)
Мітрапаліт Талінскі і Эстонскі да 25 лютага 1968 года — архіепіскап 3 верасня 1961 — 28 ліпеня 1986
Папярэднік	Іаан (Аляксееў)
Пераемнік	Карнілій (Якабс)
Навуковая ступень	доктар багаслоўя[d]
Дзейнасць	патрыярх, святар
Імя пры нараджэнні	Аляксей Міхайлавіч Рыдыгер
Нараджэнне	23 лютага 1929(1929-02-23)[…] Талін, Талін, Хар’юмаа, Эстонія
Смерць	5 снежня 2008(2008-12-05)[…] (79 гадоў) Перадзелкіна[d], Пасяленне Унукаўскае[d], Ленінскі раён, Маскоўская вобласць, Расія
Пахаванне	Богаяўленскі сабор у Ялохаве
Дынастыя	Рыдыгеры
Бацька	Mikhail Rüdiger[d]
Прыняцце свяшчэннага сану	17 красавіка 1950
Прыняцце манаства	3 сакавіка 1961
Аўтограф
Узнагароды	ордэн святога апостала Андрэя Першазванага з дыяментавай зоркай[d] ордэн свяціцеля Алексія, мітрапаліта Маскоўскага[d] ордэн святога дабравернага князя Данііла Маскоўскага[d] ордэн святога дабравернага вялікага князя Дзімітрыя Данскога[d] ганаровы доктар пратэстанцкага тэалагічнага факультэта ў Празе[d] (12 лістапада 1982) ганаровы медаль Праўлення Савецкага фонду міру[d] Commemorative medal of A. M. Gorchakov[d] ганаровы грамадзянін Санкт-Пецярбурга[d] Russian Award “The best books, publishing houses, projects”[d]
Медыяфайлы на Вікісховішчы

Аляксі́й II (у свеце Аляксей Міхайлавіч Рыдыгер; 23 лютага 1929, Талін, Эстонія — 5 снежня 2008, пас. Перадзелкіна, Маскоўская вобласць) — епіскап Рускай Праваслаўнай Царквы; з 10 чэрвеня 1990 — Свяцейшы Патрыярх Маскоўскі і ўсяе Русі — прадстаяцель РПЦ.

Біяграфія

Нарадзіўся 23 лютага 1929 года ў Таліне (Эстонія). У 1950 годзе стаў дыяканам, затым свяшчэннікам, прызначаны настаяцелем храма ў горадзе Йыхві (Эстонская ССР). У 1953 годзе скончыў Ленінградскую духоўную семінарыю, атрымаў ступень кандыдата багаслоўя. У 1957 годзе пераведзены ў Тарту, дзе стаў благачынным Тартускай акругі. У 1961 годзе прыняў манаства з імем Аляксій (у гонар іншага, чым пры нараджэнні, святога з такім імем). У тым жа годзе прызначаны епіскапам Талінскім і ўсяе Эстоніі (з 1964 года — архіепіскап, з 1968 года — мітрапаліт). З 1961 года таксама намеснік старшыні адзела знешніх сувязяў РПЦ, з 1964 года — кіраўнік справамі Маскоўскай Патрыярхіі. У 1971 годзе ўзнагароджаны правам нашэння другой панагіі. У 1984 годзе атрымаў ступень доктара багаслоўя.

У 1986 годзе прызначаны мітрапалітам Ленінградскім і Ноўгарадскім з кіраваннем Талінскай епархіяй. 7 чэрвеня 1990 года на Памесным Саборы абраны Патрыярхам, атрымаў больш галасоў, чым іншыя кандыдаты — Уладзімір (Сабадан) (цяпер прадстаяцель Украінскай праваслаўнай царквы Маскоўскага Патрыярхата) і Філарэт (Дзенісенка) (цяпер кіраўнік некананічнага «Кіеўскага Патрыярхата»).

Узнагароджаны шматлікімі ордэнамі і медалямі РПЦ, СССР, Расіі і іншых дзяржаў.

Памёр 5 снежня 2008 года ў пасёлку Перадзелкіна Маскоўскай вобласці.

«Чорная каса патрыярха»

Дзякуючы заяве эканомкі патрыярха ігуменні Філарэты (Аляксандра Смірнова) у Арбітражны суд г. Масквы, высветлілася, што на рахунках «Знешпрамбанка» (спыніў дзейнасць 21 студзеня 2016 г.) ляжалі грошы патрыярха, якія павінны былі б дастацца Філарэце паводле тэстаманту, напісанаму ў 1976 г. Суд задаволіў патрабаванне толькі на 297,5 мільёна рублёў, з заяўленых 305,6 мільёнаў руб. У 2009 г. спадчына складалася з двух доларавых рахункаў, а таксама рахункаў у еўра і рублях.