Андрэй Валер’евіч Хмель

Андрэй Валер’евіч Хмель
Андрэй Валер’евіч Хмель
	4 чэрвеня 2020 — 30 мая 2023
Прэзідэнт	Аляксандр Лукашэнка
Кіраўнік урада	Раман Галоўчанка
Папярэднік	Аляксандр Церахаў
Нараджэнне	1983; Ліда, Лідскі раён, Гродзенская вобласць, БССР, СССР;
Адукацыя	Аграэнергетычны факультэт БДАТУ (2006); Акадэмія кіравання пры Прэзідэнце Рэспублікі Беларусь (2011);

Андрэй Валер’евіч Хмель (нар. 1983, Ліда) — беларускі дзяржаўны дзеяч.

Біяграфія[правіць | правіць зыходнік]

Нарадзіўся ў 1983 годзе ў Лідзе.

Скончыў Беларускі дзяржаўны аграрны тэхнічны ўніверсітэт у 2006 годзе, у 2011 годзе скончыў Акадэмію кіравання пры Прэзідэнце Рэспублікі Беларусь.

Працаваў інжынерам-энергетыкам аддзела галоўнага энергетыка ТАА «Біякам Тэхналогія», галоўным спецыялістам аддзела энергетыкі і паліва Гродзенскага абласнога выканаўчага камітэта, узначальваў Гродзенскае ўнітарнае камунальнае вытворчае прадпрыемства «Гарсвятло»^[1].

З мая 2016 года працаваў генеральным дырэктарам АУПП «Гродзенская гарадская жыллёва-камунальная гаспадарка»^[1].

З 8 снежня 2017 года — намеснік Міністра прыродных рэсурсаў і аховы навакольнага асяроддзя Рэспублікі Беларусь. З 4 чэрвеня 2020 года па 30 мая 2023 года быў Міністрам жыллёва-камунальнай гаспадаркі Рэспублікі Беларусь.

30 мая 2023 года прызначаны старшынёй Гродзенскага гарадскога выканаўчага камітэта^[2].