Андрэй Юр’евіч Сцяпанаў

Андрэй Юр’евіч Сцяпанаў
Пазіцыя	нападаючы
Рост	180 см
Вага	94 кг
Хват	правы
Нарадзіўся	14 красавіка 1986(1986-04-14) (36 гадоў) Масква, РСФСР, СССР
Клубы
Дынама Мінск
Клубная кар'ера
Крылы Саветаў Тарпеда ЦХК МУС Віцязь Металург Дзмітраў Юніёр Юнацтва-Мінск Амур Сібір Амур Нафтахімік Шахцёр Салігорск Дынама Мінск Лада Тальяці

Андрэй Юр’евіч Сцяпанаў (14 верасня 1987, Масква, РСФСР) — беларускі хакеіст рускага паходжання, нападаючы клуба «Дынама Мінск», які гуляе ў КХЛ, і нацыянальнай зборнай Беларусі.

Кар’ера

Клубная

Андрэй пачаў сваю прафесійную кар’еру ў 2003 годзе ў складзе роднага маскоўскага клуба вышэйшай лігі «Крылы Саветаў», выступаючы да гэтага за ягоны фарм-клуб, а таксама другую каманду ЦСКА. Правёўшы 2 сезоны ў складзе «Крылаў», дзе ён набраў 24 (19+5) пункты ў 69 матчах, Андрэю праз запазычанасць выплаты заробку прыйшлося праз арбітраж пакінуць клуб, і перад самым плэй-оф ён перайшоў у ніжагародскае «Тарпеда», якое таксама выступала ў другім расійскім дывізіёне.

Пасля пачатку сезона 2005/06 хакеіст падпісаў кантракт з падмаскоўным клубам МУС, дзе ён змог дэбютаваць у Супэрлізе. У 2006 годзе Андрэй стаў гульцом чэхаўскага «Віцязя», у складзе якога правёў паўтара сезона, набраўшы за гэты час толькі 8 (4 +4) пунктаў у 54 матчах. Сезон 2007/08 Сцяпанаў пачаў у новакузнецкім «Металургу», аднак, правёўшы ў ягоным складзе толькі 7 матчаў, пакінуў каманду і стаў гульцом клуба вышэйшай лігі ХК «Дзмітраў».

У 2008 годзе Андрэй атрымаў запрашэнне ад клуба беларускай экстралігі «Юнацтва-Мінск», у складзе якога ён тройчы станавіўся чэмпіёнам краіны, а таксама ўладальнікам Кантынентальнага кубка ў 2011 годзе. Найбольш паспяховым для Сцяпанава стаў сезон 2010/11, калі ў 63 матчах ён набраў 93 (49 +44) пункты, стаўшы найлепшым снайперам і бамбардзірам беларускага першынства.

26 мая 2011 года Сцяпанаў заключыў пагадненне з хабараўскім «Амурам»

Міжнародная

У складзе зборнай Беларусі Андрэй Сцяпанаў прымаў удзел у чэмпіянатах свету 2011 года і 2012 гадоў, на якіх беларусы абодва разы займалі толькі 14 месца.

Дасягненні

• Чэмпіён Беларусі (2009, 2010, 2011)
• Уладальнік Кантынентальнага кубка (2011)

Спасылкі

• На Вікісховішчы ёсць медыяфайлы па тэме Андрэй Юр’евіч Сцяпанаў
• Старонка на афіцыйным сайце КХЛ
• Старонка на Elite Prospects