Андрэй Алегавіч Касціцын

Андрэй Касціцын
Агульная інфармацыя
Мянушка	АК-46
Нарадзіўся	3 лютага 1985(1985-02-03) (41 год) Наваполацк, Віцебская вобласць, Беларуская ССР, СССР
Грамадзянства	Беларусь
Рост	183 см
Вага	98 кг
Пазіцыя	нападаючы
Хват	леварукі ўдар[d]
Клубная кар’ера
Палімір (Наваполацк) (2000—2002) Юнацтва-Мінск (2000—2003) Віцебск (2000—2001) ЦСКА (2002—2004) Хімік (2002—2003) Гамільтан Булдогс (АХЛ) (2004—2007) Манрэаль Канадыенс (2005—2012) Нэшвіл Прэдатарз (2012) Трактар (2012—2014) Сочы (2014—2015) Тарпеда НН (2015) Сочы (2015 —)
Медыяфайлы на Вікісховішчы

Андрэ́й Але́гавіч Касці́цын (нар. 3 лютага 1985(1985-02-03), Наваполацк, Віцебская вобласць) — беларускі хакеіст. У наш час выступае ў КХЛ за каманду «Сочы». Лепшы хакеіст Беларусі 2008 года.

Біяграфія

Нарадзіўся 3 лютага 1985 года ў Наваполацку.

Выхаванец наваполацкай дзіцяча-юнацкай хакейнай школы. За нацыянальную зборную Беларусі выступае з 2002 года. Удзельнік чэмпіянатаў свету 2003, 2004 ў першым дывізіёне, 2005, 2006 2008, 2012, 2014 гадоў у складзе зборнай Беларусі.

У лютым 2012 года «Манрэаль Канадыенс» абмяняў Андрэя Касціцына ў «Нэшвіл». Кампенсацыяй за Касціцына сталі выбар у другім раўндзе драфта і ўмоўны выбар на драфце 2013 года. У 2012 годзе Андрэй вярнуўся ў Расію ў «Трактар», з якім стаў фіналістам Кубка Гагарына.

У маі 2014 года пасля паспяховага выступлення зборнай Беларусі на чэмпіянаце свету ў Остраве, дзе Андрэй быў адным з лепшых бамбардзіраў, з’явілася інфармацыя, што ён можа заключыць кантракт з клубам НХЛ.