Аптэка-музей у Кіеве
| Аптэка-музей у Кіеве | |
|---|---|
| Аптека-музей у Києві | |
 | |
| Заснаваны | 1986 |
| Месцазнаходжанне | Кіеў, Украіна |
| Адрас | вулиця Притисько-Микільська, 7, Київ, Україна |
 Медыяфайлы на Вікісховішчы | |
Аптэка-музей у Кіеве (укр.: Аптека-музей у Києві) — музей, экспазіцыя якога прысвечана гісторыі станаўлення ўкраінскай фармацэўтыкі і аптэчнай справы. Размешчаны на Падзіле (гістарычным раёне Кіева).
Агульныя звесткі[правіць | правіць зыходнік]
У 1728 годзе немец Іаган Гейтэр адкрыў на Падоле непадалёк ад Андрэеўскага спуску першую ў Кіеве прыватную аптэку, патэнт на якую ён атрымаў па ўказу расійскага імператара Пятра ІІ ад 28 ліпеня 1728 г. Пасля яго смерці, у 1751 годзе, аптэка перайшла па спадчыне да яго ўдавы Ганны Гейтэр (у другім шлюбе Ганна Гюнігер). У тым жа годзе кіраваннем аптэкай заняўся Георг-Фрыдрых Бунгэ, які стаў пазней зяцем Ганны Г. і даў пачатак дынастыі кіеўскіх фармацэўтаў[1]. Пасля пажару 1811 года будынак аптэкі быў перабудаваны ў формах класіцызму архітэктарам А. І. Мяленскім[2]. Аптэка праіснавала каля 110 гадоў, да 1835 года, пасля чаго дом быў прададзены і пераходзіў з рук у рукі. 1983 годзе ў гэтым памяшканні пачалася рэстаўрацыя і стварэнне аптэкі-музея, адкрыццё якой адбылося ў 1986 годзе[3].
На першым паверсе музея адноўлены інтэр'ер аптэкі XVIII–XIX стагоддзяў. Тут прадстаўлены аптэчны посуд, мэбля, стаматалагічныя і хірургічныя інструменты і інш. У скляпеннях — некалькі інсталяцый: хата шаптухі, келля манаха-траўніка, лабараторыя алхіміка[4].
|
|
| ||
| Будынак музея. | Экспазіцыя музея. | Экспазіцыя музея. |
Зноскі
- ↑ Виталий Ковалинский Как Бунге стали киевскими аптекарями(руск.) // Фармацевтическая отрасль : часопіс. — 2010. — № 6 (23). — С. 116—118.
- ↑ Памятники градостроительства и архитектуры Украинской ССР: Ил. справ.-каталог. В 4-х т. / Под редакцией Асеева Ю.С. — К.: Будівельник, 1983 — 160 с.
- ↑ Аптеки // Киев: Энциклопедический справочник / Под редакцией Кудрицкого А. В. — К.: Главная редакция Украинской Советской Энциклопедии, 1981. — 736 с.
- ↑ Аптека-музей (руск.). Афиша (17 мая 2015). Праверана 14 ліпеня 2015.
Спасылкі[правіць | правіць зыходнік]
На Вікісховішчы ёсць медыяфайлы па тэме Аптэка-музей у Кіеве
