Касцёл Святога Мікалая (Кіеў)
| Касцёл | |
| Мікалаеўскі касцёл | |
|---|---|
| укр.: Костел Святого Миколая | |
 Сучасны выгляд касцёла | |
| 50°25′37″ пн. ш. 30°31′03″ у. д.HGЯO | |
| Краіна |
 Украіна |
| Адрас | Кіеў, вул. Чырвонаармейская, 77 |
| Канфесія | Каталіцызм |
| Епархія | Roman Catholic Diocese of Kyiv-Zhytomyr[d] |
| Архітэктурны стыль | Неаготыка |
| Архітэктар | С. В. Валоўскі, Уладзіслаў Гарадзецкі |
| Дата заснавання | 1899 |
| Будаўніцтва | 1899—1909 гады |
| Статус | дзеючы |
| Матэрыял | цэгла |
| Стан | Дом арганнай і камернай музыкі; Прыхадскі храм РКЦ |
| Сайт | nicolasparish.org.ua (укр.) |
 |
|
 Медыяфайлы на Вікісховішчы | |
Касцёл Святога Мікалая — рымска-каталіцкі храм Святога Мікалая ў Кіеве, выкарыстоўваецца з 1980 года ў якасці Дома арганнай і камернай музыкі. Размешчаны па адрасе: вул. Чырвонаармейская, 77.
Гісторыя будаўніцтва
[правіць | правіць зыходнік]Будаўніцтва касцёла Св. Мікалая пачалося па конкурсным праекце архітэктара С. В. Валоўскага ў 1899 годзе. Распрацоўка і будаўніцтва рабіліся пад кіраўніцтвам вядомага кіеўскага архітэктара У. У. Гарадзецкага. Касцёл, пабудаваны ў стылізаваных гатычных формах з высокімі спічастымі вежамі і шпілямі, адрозніваецца стройнымі прапорцыямі, лёгкасцю, яснасцю кампазіцыйнай структуры. Складаныя ўмовы будаўніцтва і архітэктурнага рашэння заахвоцілі архітэктараў прымяніць наватарскія на той час інжынерныя тэхналогіі. Інжынерам А. Э. Страусам упершыню ў тагачаснай будаўнічай практыцы была прапанавана закладка падмурка на бетонных палях, а ў канструкцыях шырока выкарыстоўваўся жалезабетон - новы будаўнічы матэрыял. Касцёл быў багата ўпрыгожаны як насценнымі роспісамі так і вітражамі, якіх налічвалася 40 (не захаваліся).
У 1909 годзе касцёл быў асвечаны.
Касцёл быў зачынены і разрабаваны каля 1933 года, духавенства падвергнулася рэпрэсіям. У будынку размясціліся склады. У 1943 годзе падчас вайны, храм моцна пацярпеў ад артылерыйскага абстрэлу, гарэў.
У пасляваенныя гады будынак касцёла быў часткова адрэстаўраваны і перабудаваны пад патрэбы Кіеўскага дзяржаўнага абласнога архіва.
У 1978 годзе было прынята рашэнне Савета Міністраў УССР аб стварэнні ў Кіеве Рэспубліканскага Дома арганнай і камернай музыкі і пераабсталяванні пад канцэртную залу памяшкання былога Мікалаеўскага касцёла. Адначасова з рэстаўрацыяй праводзілася і частковая рэканструкцыя будынка. З 1980 года Мікалаеўскі касцёл пачаў функцыянаваць у якасці канцэртнай залы Дома арганнай і камернай музыкі.
Спасылкі
[правіць | правіць зыходнік]
На Вікісховішчы ёсць медыяфайлы па тэме Касцёл Святога Мікалая (Кіеў)- Афіцыйны сайт Дому арганнай і камернай музыкі Архівавана 6 кастрычніка 2008.
