Аханяны
Вёска
Аханяны
|
Аханя́ны[1] (трансліт.: Achaniany, руск.: Охоняны) — вёска ў Дзятлаўскім раёне Гродзенскай вобласці. Уваходзіць у склад Данілавіцкага сельсавета.
Геаграфія[правіць | правіць зыходнік]
Размешчана на Навагрудскім узвышшы, за 15 км на ўсход ад Дзятлава, 3 км ад чыг. ст. Наваельня. Транспартныя сувязі па мясцовай дарозе і далей па дарозе Дзятлава—Навагрудак.
Галоўная прамалінейная вуліца вёкі забудавана двухбакова драўлянымі сядзібамі. Да яе перпендыкулярна прымыкае больш кароткая прамалінейная вуліца з аднабаковай забудовай.
Каля паўднёва-ўсходняй ускраіны вёскі знаходзіцца Аханянскае радовішча мелу[2]. Паклад у выглядзе асобных блокаў-адорвеняў прымеркаваны да тоўшчы ледавіковай марэны сожскага зледзянення. Агульная плошча блокаў каля 2,5 га.
Гісторыя[правіць | правіць зыходнік]
У 1878 годзе вёска ў Дварэцкай воласці Слонімскага павета Расійскай імперыі.
У Першую сусветную вайну са жніўня 1915 года да 1918 года тэрыторыя занята германскімі войскамі. Пасля польска-савецкай вайны, з 1921 года ў складзе Польскай Рэспублікі. Належала да Дварэцкай гміны Слонімскага павета Навагрудскага ваяводства.
З лістапада 1939 года ў БССР.
Насельніцтва[правіць | правіць зыходнік]
- 1880 год — 63 чал.
- 1897 год — 154 чал., 19 двароў.
- 1923 год — 180 чал., 31 двор.
- 1940 год — 170 чал., 46 двароў.
- 1996 год — 80 чал., 38 гаспадарак.
- 2015 год — 20 чал., 16 гаспадарак.
- 2019 год — 9 чал.
Зноскі[правіць | правіць зыходнік]
- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
- ↑ Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
Літаратура[правіць | правіць зыходнік]
- Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.
Спасылкі[правіць | правіць зыходнік]
- На Вікісховішчы пакуль няма медыяфайлаў па тэме, але Вы можаце загрузіць іх