Валерый Мікалаевіч Губін

Валерый Мікалаевіч Губін
Валерый Мікалаевіч Губін
Дата нараджэння	2 верасня 1948 (75 гадоў) ці 1948
Месца нараджэння	Магілёў, БССР
Грамадзянства	СССР; Беларусь;
Род дзейнасці	геолаг, географ
Навуковая сфера	геалогія і геаграфія
Месца працы	Беларускі дзяржаўны ўніверсітэт
Навуковая ступень	доктар геаграфічных навук
Альма-матар	геаграфічны факультэт БДУ (1972); БДУ;

Вале́рый Мікала́евіч Гу́бін (руск.: Валерий Николаевич Губин, нар. 2 верасня 1948, Магілёў, БССР) — беларускі геолаг і географ, доктар геаграфічных навук (1993), прафесар геалогіі (2000), загадчык кафедры дынамічнай геалогіі Беларускага дзяржаўнага ўніверсітэта, акадэмік Беларускай горнай акадэміі (1996).

Біяграфія[правіць | правіць зыходнік]

Валерый Мікалаевіч нарадзіўся 2 верасня 1948 г. у горадзе Магілёве. Яшчэ ў школьныя гады захапляўся геаграфіяй і авіяцыяй. З 1963 г. займаўся ў Мінскім аэраклубе ДТСААФ і ў 16 гадоў ажыццявіў свой першы самастойны палёт на планёры.

У 1972 г. скончыў геаграфічны факультэт Беларускага дзяржаўнага ўніверсітэта, пасля чаго працаваў інжынерам у лабараторыі аэрагеалагічных метадаў Інстытута геалагічных навук АН БССР.

У 1972-1973 гг. праходзіў службу на Балтыйскім ваенна-марскім флоце.

З 1974 - геамарфолаг, старшы геолаг аэракосмагеалагічнай партыі Беларускай геолага-гідрагеалагічнай экспедыцыі Упраўлення геалогіі пры СМ БССР.

На аснове самастойна сабранага і прааналізаванага факталагічнага матэрыялу ў галіне аэракасмічнага вывучэння найноўшай геадынамікі ў 1981 годзе паспяхова абараняе кандыдацкую дысертацыю.

З 1985 па 1998 гг. В.М. Губін працуе ў Беларускім навукова-даследчым геолагаразведачным інстытуце на пасадах старшага, вядучага навуковага супрацоўніка, загадчыка сектара тэктонікі, а з 1993 г. становіцца загадчыкам аддзела рэгіянальнай геалогіі.

У 1993 г. Валерый Мікалаевіч абараняе доктарскую дысертацыю на тэму «Аэраландшафтная індыкацыя геадынамічных працэсаў марфагенеза (на прыкладзе Беларусі)».

У 1998 становіцца загадчыкам кафедры дынамічнай геалогіі БДУ.

Навукова-педагагічная дзейнасць[правіць | правіць зыходнік]

Вучоны[правіць | правіць зыходнік]

У сферы навуковай дзейнасці В.М. Губіна важную ролю адыгрывае космагеалагічнае вывучэнне захаду Усходне-Еўрапейскай платформы. На аснове комплекснай интэрпрэтацыі матэрыялаў дыстанцыйнага зандзіравання Зямлі з космасу і геолага-геафізічных дадзеных ім устаноўлены рэгіянальныя заканамернасці тэктанічнай дзялімасці і геадынамікі літасферы, распрацаваны рацыянальны комплекс космагеалагічных крытэрыяў пошукаў радовішчаў карысных выкапняў, выяўлены трансфармацыі геалагічнага асяроддзя пры засваенні мінеральна-сыравінных рэсурсаў. Атрыманыя В.М. Губіным вынікі шырока выкарыстоўваюцца ў навучальным працэсе пры падрыхтоўцы інжынераў-геолагаў. Гэта спрыяе засваенню студэнтамі метадычных прыёмаў рэгіянальнага вывучэння зямной кары, правядзення геалагічнай здымкі і пошукаў карысных выкапняў, арганізацыі і вядзення эколага-геалагічнага маніторынгу на аснове камплексірвання інавацыйных спадарожнікавых тэхналогій і геолага-геафізічных метадаў, больш паглыбленаму пазнанню змяненняў верхняй часткі літасферы ва ўмовах тэхнагенеза.

Галіна навуковых інтарэсаў:

рэгіянальная геалогія і геадынаміка
касмічныя метады вывучэння зямной кары і прагназавання радовішчаў карысных выкапняў, экалагічная геалогія, касмічны маніторынг геалагічнага асяроддзя і рацыянальнае недракарыстанне
геалагічная адукацыя

Навуковыя публікацыі: агульная колькасць - 245, у тым ліку манаграфій - 13, навучальных дапаможнікаў - 11.

Педагог[правіць | правіць зыходнік]

Падрыхтоўка геолагаў вышэйшай кваліфікацыі з’яўляецца важнай педагагічнай дзейнасцю прафесара В.М.Губіна. Чытальныя ім асноўныя геалагічныя дысцыпліны цесна звязаны з напрамкамі яго навуковых даследаванняў. Ён ажыццяўляе кіраўніцтва курсавымі і дыпломнымі работамі, праводзіць навуковыя кансультацыі са студэнтамі, магістрантамі і аспірантамі ў галіне рэгіянальнай геалогіі і геадынамікі, прагназавання карысных выкапняў і экалагічнай геалогіі. У сваёй навукова-педагагічнай дзейнасці асаблівую ўвагу надае падрыхтоўцы і атэстацыі кадраў вышэйшай навуковай кваліфікацыі. В.М. Губін з’яўляецца адным з арганізатараў правядзення на геаграфічным факультэце БДУ штогадовых Універсітэцкіх геалагічных чытанняў.

Вялікая ўвага ў навучальным працэсе ім надаецца замежным студэнтам з Туркменіі і Нігерыі. В.М. Губіным апублікавана 11 вучэбна-метадычных дапаможнікаў, якія шырока выкарыстоўваюцца пры засваенні лекцыйнага матэрыялу.

Пералік чытэльных курсаў:

Геалагічная здымка і картаграфаванне
Дыстанцыйныя метады ў геалогіі
Асновы касмічнай геалогіі
Экалагічная геалогія

Асноўныя публікацыі[правіць | правіць зыходнік]

Важнейшыя манаграфіі:

Айзберг Р.Е., Губин В.Н., Климович И.В., Старчик Т.А. Палеогеодинамические реконструкции платформенных бассейнов: методические аспекты. Мн.: БелНИГРИ, 1991. 182 с.
Обуховский Ю.М., Губин В.Н., Марцинкевич Г.И. Аэрокосмические исследования ландшафтов Беларуси. Мн.: Навука і тэхніка, 1994.175 с.
Губин В.Н., Ковалев А.А., Коркин В.Д. Аэрокосмическое изучение экзогенных процессов в условиях техногенеза. Мн.: Юнипак, 2003. 142 с.
Месторождения калийных солей Беларуси: геология и рациональное недропользование / Высоцкий Э.А., Губин В. Н., Смычник А.Д. и др. Мн.: БГУ, 2003.264 с.
Губин В. Н., Ковалев А.А., Коркин В.Д., Комаровский М.Е. Геоэкология Минского региона. Мн.: Юнипак, 2005. 116 с.
Губин В.Н., Ковалев А.А. Космическая геология Беларуси. Мн.: Лазурак, 2008. 120 с.
Спутниковые технологии в геодинамике / Под ред. В.Н. Губина. Мн.: Минсктиппроект, 2010. 87 с.

Навучальныя дапаможнікі і курсы лекцый для ВНУ:

Губин В.Н., Карабанов А.К., Ковхуто А.М. Геологическая съемка и картографирование. Полевая практика: Учебное пособие. Мн.: БГУ, 2002. 133 с.
Губин В.Н., Ковалев А.А., Сладкопевцев С.А., Ясовеев М.Г. Экология геологической среды: Учебное пособие. Мн.: БГУ, 2002. 120 с.
Поиски и разведка месторождений минерального строительного сырья: На примере четвертичных отложений: Учебное пособие / В.И. Ярцев, Э.А. Высоцкий, В.Н. Губин и др. Мн.: БГУ, 2002. 175 с.
Губин В.Н. Дистанционные методы в геологии. Курс лекций, Мн.: БГУ, 2004. 138 с.
Геология металлических полезных ископаемых: Учебное пособие для студентов вузов / Высоцкий Э.А., Губин В.Н., Г.И. Илькевич и др. Мн.: Тетра-Системс, 2006. 336 с.
Высоцкий Э.А., Губин В.Н., Данкевич И.В. Прогнозирование месторождений металлических полезных ископаемых: Курс лекций. Мн.: БГУ, 2008. 143 с.
Геологические критерии поисков месторождений полезных ископаемых в Беларуси: Учебное пособие / Э.А. Высоцкий, В.Н. Губин, И.В. Данкевич и др. Мн.: БГУ, 2009.171 с.

Карты для ВНУ:

Карта месторождений полезных ископаемых Республики Беларусь масштаба 1:500 000 / Э.А. Высоцкий, В.Н. Губин, А.И. Гуринович и др. Мн.: РУП «Белкартография», 2004.
Геологическая карта Республики Беларусь масштаба 1:500 000 / М.Н. Брилевский, В.Н. Губин, Э.А. Высоцкий, Е.В. Морозов. Мн.: РУП «Белкартография», 2009.
Тектоническая карта Республики Беларусь масштаба 1:500 000 / Р.Е. Айзберг, Р.Г.Гарецкий, В.Н. Губин (отв. науч.ред.) и др. Мн.: РУП «Белкартография», 2013.

Літаратура[правіць | правіць зыходнік]

Республика Беларусь: Энциклопедия: В 6 т. Т. 3 / Редкол: Г. П. Пашков и др. — Минск : БелЭн, 2006. - 896 с.: илл. - С. 274.

Спасылкі[правіць | правіць зыходнік]