Валерый Мікалаевіч Наўныка

Валерый Мікалаевіч Наўныка
Дата нараджэння	1981
Месца нараджэння	Сарань, Sorang Qalasy[d], Карагандзінская вобласць, Казахская ССР, СССР
Грамадзянства	Беларусь
Род дзейнасці	выкладчык універсітэта
Месца працы	Інстытут радыебіялогіі НАН Беларусі Фізіка-інжынерны факультэт МДПУ імя І. П. Шамякіна
Навуковая ступень	кандыдат фізіка-матэматычных навук
Альма-матар	Мазырскі дзяржаўны педагагічны ўніверсітэт імя І. П. Шамякіна Акадэмія кіравання пры Прэзідэнце Рэспублікі Беларусь

Валерый Мікалаевіч Наўныка (1981, г. Сарань, Карагандзінская вобласць, Казахстан) — беларускі фізік-оптык. Кандыдат фізіка-матэматычных навук (2008), дацэнт (2011).

Біяграфія

Скончыў Мазырскі дзяржаўны педагагічны ўніверсітэт імя І. П. Шамякіна (факультэт тэхналогіі, 2003; аспірантура, 2006), Акадэмія кіравання пры Прэзідэнце Рэспублікі Беларусь (спецыяльнасць «Дзяржаўнае кіраванне сацыяльнай сферай», 2018).

Працаваў у Інстытуце радыялогіі (Гомель; 2003). Выкладае ў Мазырскім дзяржаўным педагагічным універсітэце імя І. П. Шамякіна (з 2006, фізіка-інжынерны факультэт, кафедра тэарэтычнай фізікі і прыкладной інфарматыкі, дацэнт, у 2009—2010 — загадчык навукова-даследчага сектара, 2010—2015 — дэкан факультэта тэхналогіі, 2015—2016 — дэкан тэхнолага-біялагічнага факультэта, 2016—2018 — прарэктар па навуковай рабоце, з 14.11.2018 — рэктар).

Навуковыя інтарэсы: галаграфія ў фотарэфрактыўных крышталях; крышталяоптыка; крышталяграфія.