Валерый Уладзіміравіч Гайдукевіч

Валерый Уладзіміравіч Гайдукевіч
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання 11 кастрычніка 2016 — 4 снежня 2019
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	19 студзеня 1953(1953-01-19) (73 гады) Бягомль, Бягомльскі сельсавет, Беларусь
Грамадзянства	СССР
Адукацыя	Ваенная акадэмія імя М. В. Фрунзэ Ваенная акадэмія Генеральнага штаба Узброеных Сіл Расійскай Федэрацыі Акадэмія кіравання пры Прэзідэнце Рэспублікі Беларусь Шацкая сярэдняя школа Разанскае вышэйшае паветрана-дэсантнае каманднае вучылішча
Ваенная служба
Званне	Генерал-маёр
Узнагароды	ганаровая грамата Нацыянальнага сходу Рэспублікі Беларусь

Валерый Уладзіміравіч Гайдукевіч (19 студзеня 1953, пас. Бягомль, Бягомльскі раён, Мінская вобласць) — беларускі ваенны і палітык.

Генерал-маёр. Дэпутат Палаты прадстаўнікоў і член Савета Рэспублікі розных скліканняў.

Біяграфія

Нарадзіўся 19 студзеня 1953 года ў пасёлку Бягомль (тады — центр Бягомльскага раёна Мінскай вобласці).

Адукацыя

Скончыў Разанскае вышэйшае паветрана-дэсантнае вучылішча, асноўны факультэт Ваеннай акадэміі імя М. В. Фрунзе, Ваенную акадэмію Генеральнага штаба Узброеных Сіл Расійскай Федэрацыі, Акадэмію кіравання пры Прэзідэнце Рэспублікі Беларусь.

Ваенная служба

Камандаваў парашутна–дэсантным узводам, затым разведвальным узводам разведвальнай роты 350–га гвардзейскага парашутна–дэсантнага палка 103–й гвардзейскай паветрана-дэсантнай дывізіі. У 1978 годзе прызначаны камандзірам парашутна–дэсантнай роты таго ж палка.

У 1979–1982 гадах — у складзе абмежаванага кантынгенту савецкіх войскаў у Афганістане. Быў узнагароджаны ордэнам Чырвонай Зоркі.

Пасля заканчэння Ваеннай акадэміі імя М. В. Фрунзе камандаваў парашутна-дэсантным батальёнам, парашутна–дэсантным палком 76-й гвардзейскай дэсантна-штурмавая дывізіі.

У 1992 годзе ўзначаліў 5–ю асобную брыгаду спецыяльнага прызначэння ў горадзе Мар’іна Горка Мінскай вобласці. У 1994 годзе яму прысвоена воінскае званне «генерал–маёр».

З 1999 года служыў ва Унутраных войсках МУС Рэспублікі Беларусь, дзе да 2003 года займаў пасаду намесніка камандуючага ўнутранымі войскамі — начальніка аператыўнай і баявой падрыхтоўкі.

2 снежня 2003 года быў прызначаны намеснікам Міністра ўнутраных спраў — камандуючым унутранымі войскамі.

Палітычная дзейнасць

У 2012—2019 гадах дэпутат Палаты прадстаўнікоў Нацыянальнага сходу Рэспублікі Беларусь 5-га і 6-га скліканняў. Старшыня Пастаяннай камісіі Палаты прадстаўнікоў па нацыянальнай бяспецы.

Дэлегат VII Усебеларускага народнага сходу.  

Член Савета Рэспублікі 7-га склікання. Выбраны ў 2024 годзе членам Савета Рэспублікі 8-га склікання ад Мінскай вобласці. Намеснік старшыні Пастаяннай камісіі Савета Рэспублікі па міжнародных справах і нацыянальнай бяспецы.  

Старшыня савета грамадскага аб’яднання «Беларускі саюз ветэранаў вайны ў Афганістане».  

Узнагароды

• Ордэн Чырвонай Зоркі;
• ордэн «За службу Радзіме ва Узброеных Сілах СССР» III ступені (1990;
• ордэн «За службу Радзіме» II ступені;
• Медалі СССР і Рэспублікі Беларусь;
• ганаровая грамата Нацыянальнага сходу Рэспублікі Беларусь.  

Асабістае жыццё

Жанаты, мае траіх дзяцей. Пражывае ў г. Заслаўе Мінскага раёна.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь Архівавана 14 чэрвеня 2017. (бел.)
• Профіль Валерыя Гайдукевіча на сайце Савета Рэспублікі