Валянціна Васілеўна Талкунова

Валянціна Васілеўна Талкунова
Асноўная інфармацыя
Дата нараджэння	12 ліпеня 1946(1946-07-12)
Месца нараджэння	Армавір, Краснадарскі край, РСФСР, СССР
Дата смерці	22 сакавіка 2010(2010-03-22) (63 гады)
Месца смерці	Масква, Расія
Месца пахавання	Траякураўскія могілкі
Краіна	Расія  СССР
Альма-матар	Маскоўскі дзяржаўны інстытут культуры[d] Расійская акадэмія музыкі імя Гнесіных[d] (1971)
Музычная дзейнасць
Прафесіі	актрыса, спявачка, акцёр дубляжа
Пеўчы голас	сапрана і мецца-сапрана
Інструменты	вакал
Жанры	поп-музыка
Прэміі
Узнагароды	узнагароды Аўтаномнай Рэспублікі Крым[d]
Аўтограф
valentinatolkunova.ru
Медыяфайлы на Вікісховішчы

Валянціна Васілеўна Талкунова (рус.: Валенти́на Васи́льевна Толкуно́ва; 12 ліпеня 1946, Армавір, Краснадарскі край — 22 сакавіка 2010, Масква) — савецкая і расійская спявачка. Заслужаная артыстка РСФСР (1979). Народная артыстка РСФСР (1987).

Біяграфія

Нарадзілася 12 ліпеня 1946 года ў горадзе Армавір Краснадарскага края. У 1964 годзе яна паступіла на дырыжорска-харавое аддзяленне Маскоўскага дзяржаўнага інстытута культуры. У 1966 годзе Валянціна Талкунова прайшла па конкурсе ў вакальна-інструментальны аркестр пад кіраўніцтвам Юрыя Саульскага (ВИО-66), у якім яна была салісткай і выконвала песні пад джазавую музыку. У 1971 годзе скончыла Музыкальнае вучылішча імя Гнесіных і агучыла песні кампазітара І. Катаева на вершы Міхаіла Анчарава ў тэлефільме «День за днём».

У 1972 годзе паэт Леў Ашанін запрасіў Валянціну Талкунову выступіць на сцэне Калоннай Залы на юбілейным канцэрце з песняй У. Шаінскага. Гэты канцэрт быў пачаткам яе паспяховай кар’еры на тэлебачанні і радыё. З 1973 года яна працавала ў аб’яднанні «Москонцерт», а з 1987 — мастацкі кіраўнік створанага ёю Маскоўскага тэатра музычнай драмы і песні, у якім быў пастаўлены шэраг музычных спектакляў.

Творчасць

Першая выканаўца прысвечаных ёй песень і вакальных цыклаў, манаоперы «Рускія жанчыны» І. Катаева на вершы М. Някрасава. У рэпертуары таксама рускія народныя песні.

Прэміі і ўзнагароды

1-я прэмія на Усесаюзным тэлеконкурсе «З песняй па жыцці» (1973).

Літаратура

• Шымановіч Л. А. Талкуно́ва Валянціна Васільеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 405. — 10 000 экз. — ISBN 985-11-0035-8. — ISBN 985-11-0251-2 (т. 15).