Валянцін Мікалаевіч Русак

Валянцін Мікалаевіч Русак
Дата нараджэння	10 жніўня 1936(1936-08-10)
Месца нараджэння	Затур’я, Юшавіцкі сельсавет, Нясвіжскі раён, Баранавіцкая вобласць, БССР, СССР
Дата смерці	27 жніўня 2022(2022-08-27) (86 гадоў)
Месца смерці	Мінск, Беларусь
Месца пахавання	Заходнія могілкі (Мінск)
Грамадзянства	СССР  Беларусь
Род дзейнасці	навуковец
Навуковая сфера	матэматыка
Месца працы	БДУ
Навуковая ступень	доктар фізіка-матэматычных навук (1988)
Навуковае званне	прафесар
Альма-матар	матэматычны факультэт БДУ
Узнагароды

Валянцін Мікалаевіч Руса́к (10 жніўня 1936 — 27 жніўня 2022) — беларускі вучоны, матэматык, доктар фізіка-матэматычных навук (1988), прафесар (1989).

Біяграфія

Нарадзіўся 10 жніўня 1936 года ў вёсцы Затур’я (цяпер — Нясвіжскі раён Мінскай вобласці).

У 1959 годзе з адзнакай скончыў механіка-матэматычны факультэт Беларускага дзяржаўнага ўніверсітэта па спецыяльнасці «Матэматыка», а пазней скончыў аспірантуру пры кафедры вылічальнай матэматыкі. З 1962 года ў Беларускім дзяржаўным універсітэце, выкладаў на кафедры вышэйшай матэматыкі і матэматычнай фізікі фізічнага факультэта. З 1976 па 2002 год займаў пасаду загадчыка гэтай кафедры, з 2002 года — прафесар.

Кандыдацкую дысертацыю абараніў у 1963 годзе ў Інстытуце матэматыкі Акадэміі навук БССР, доктарскую — у 1988 годзе ў Інстытуце матэматыкі Акадэміі навук Украінскай ССР.

Памёр 27 жніўня 2022 года. Пахаваны ў Мінску на Заходніх могілках.

Навуковая дзейнасць

Аўтар больш за 180 навуковых прац па матэматычным аналізе, вылічальнай матэматыцы, матэматычнай фізіцы і інш. Аўтар падручнікаў і вучэбных дапаможнікаў. Пад навуковым кіраўніцтвам В. М. Русака падрыхтаваны і абаронены 9 кандыдацкіх і 3 доктарскія дысертацыі.

Узнагароды

• Знак «За выдатныя поспехі ў працы» Міністэрства вышэйшай адукацыі СССР (1982).
• Медаль «Ветэран працы» (1996).
• Знак «Выдатнік адукацыі» Міністэрства адукацыі Рэспублікі Беларусь (2002).
• Заслужаны работнік Беларускага дзяржаўнага ўніверсітэта (2011).

Літаратура

• Бараноўскі П. М. Русак Валянцін Мікалаевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 454. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Русак Валентин Николаевич Архівавана 7 сакавіка 2021. (руск.) // Сайт БДУ
• Валентин Николаевич РУСАК // Вестник БГУ. Сер. 1. 2016. № 3 Архівавана 21 красавіка 2018. (руск.)
• Русак Валянцін Мікалаевіч на сайце анлайн-энцыклапедыі «Беларусь у асобах і падзеях»
• Русак Валянцін Мікалаевіч, доктар фізіка-матэматычных навук, матэматыка на сайце анлайн-энцыклапедыі «Беларусь у асобах і падзеях»