Тайвань (востраў)

Тайвань
23°46′ пн. ш. 121° у. д.
Акваторыя	Ціхі акіян
Краіна	Кітайская Рэспубліка
Тайвань
Плошча	36 178 км²
Насельніцтва (2011)	23 069 345 чал.
Шчыльнасць насельніцтва	637,662 чал./км²
Тайвань на Вікісховішчы

Тайвань, Фармоза — востраў у Ціхім акіяне, каля ўсходніх берагоў мацерыковага Кітая, ад якога аддзелены Тайванскім пралівам.

Выцягнуты з поўначы на поўдзень на 394 км, шырыня да 140 км, плошча каля 36 тыс. км³.

Уздоўж усходняга берага Тайванскія горы (выш. да 3997 м), на поўначы — група патухлых вулканаў, на захадзе — прыбярэжная раўніна. Частыя землетрасенні. Карысныя выкапні: каменны вугаль, гаручы газ, нафта, золата.

Клімат на поўначы субтрапічны, на поўдні трапічны мусонны. Тэмпература паветра ў студзені 15—20°С, у ліпені 25—30°С. Ападкаў на раўнінах 1500—2500 мм за год у гарах месцамі больш за 5000 мм. У жніўні і верасні частыя тайфуны.

Больш за 50% тэрыторыі займаюць горныя лясы (больш за 3000 відаў, у т.л. больш за 1500 эндэмічных). У ніжняй частцы схілаў — вільготныя вечназялёныя лясы з панданусаў, пальмаў, бамбукаў, ліян; вышэй — шыракалістыя лістападныя і мяшаныя лясы з камфарнага лаўру, кіпарысу, елкі, піхты, дрэвападобных папарацяў, псеўдатсуті і інш. Вышэй 3300 м хмызнякі з рададэндрану і горныя лугі. Раўніны і нізіны асвоены.

Літаратура

• Тайвань // БЭ ў 18 т. Т. 15. Мн., 2002.