Вячаслаў Сяргеевіч Танаеў

Вячаслаў Сяргеевіч Танаеў
Дата нараджэння	28 сакавіка 1940(1940-03-28)
Месца нараджэння	Акулава[d], Q4453621?, Калінінская вобласць, РСФСР, СССР
Дата смерці	19 ліпеня 2002(2002-07-19) (62 гады)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Род дзейнасці	матэматык
Навуковая сфера	кібернетыка і аптымізацыя[d]
Месца працы	БДУ Аб’яднаны інстытут праблем інфарматыкі НАН Беларусі
Навуковая ступень	доктар фізіка-матэматычных навук (1978)
Навуковае званне	прафесар (1980) Спіс акадэмікаў НАН Беларусі (2000)
Альма-матар	Таўрычаскі нацыянальны ўніверсітэт імя У. І. Вярнадскага (1962)
Прэміі	прэмія Нацыянальнай акадэміі навук Беларусі (2001)
Узнагароды	Заслужаны дзеяч навукі Рэспублікі Беларусь

Вячаслаў Сяргеевіч Танаеў (28 сакавіка 1940, в. Акулава Цеблешскага раёна Цвярской вобласці, Расія — 19 ліпеня 2002, Мінск) — беларускі вучоны ў галіне матэматычнай кібернетыкі. Акадэмік Нацыянальнай акадэміі навук Беларусі (2000; член-карэспандэнт з 1994), доктар фізіка-матэматычных навук (1978), прафесар (1980). Заслужаны дзеяч навукі Рэспублікі Беларусь (1995).

Біяграфія

Скончыў Крымскі педагагічны інстытут (1962).

У 1965—1970 гадах галоўны інжынер лабараторыі, загадчык лабараторыі Інстытута тэхнічнай кібернетыкі АН БССР, у 1970—1971 гадах начальнік лабараторыі філіяла НДІ аўтаматычнай апаратуры, з 1971 года загадчык лабараторыі матэматычнай кібернетыкі, з 1987 года дырэктар Інстытута тэхнічнай кібернетыкі, адначасова з 1996 года генеральны дырэктар Навукова-даследчага аб’яднання «Кібернетыка» Нацыянальнай акадэміі навук Беларусі. Адначасова ў 1979—1991 гадах прафесар Беларускага дзяржаўнага ўніверсітэта.

Навуковая дзейнасць

Навуковыя працы па прыкладной матэматыцы, кібернетыцы, інфарматыцы. Распрацаваў асновы тэорыі параметрычнай дэкампазіцыі аптымізацыйных задач, з выкарыстаннем якой вырашаны шэраг важных прыкладных задач аптымальнага праектавання і каляндарнага планавання. Развіў тэорыю раскладаў, яе метады і мадэлі.

Аўтар больш за 130 навуковых прац, у тым ліку 8 манаграфій, дзве з іх перавыдадзеныя за мяжой.

Прэміі

Дзяржаўная прэмія Рэспублікі Беларусь у галіне навукі і тэхнікі (1998, у сааўтарстве) — за цыкл прац «Мадэлі і метады тэорыі раскладаў». Прэмія Нацыянальнай акадэміі навук Беларусі 2001 года за манаграфію «Тэорыя раскладаў: групавыя тэхналогіі».

Памяць

Мемарыяльная дошка

На будынку Аб’яднанага інстытута праблем інфарматыкі НАН Беларусі ўстаноўлена мемарыяльная дошка Вячаславу Танаеву.

Асноўныя працы

• Введение в теорию расписаний. — М.: Наука, 1975 (совм. с В. В. Шкурбой).
• Теория расписаний: Одностадийные системы. — М.: Наука, 1984 (совм. с В. С. Гордоном, Я. М. Шафранским).
• Декомпозиция и агрегирование в задачах математического программирования. — Мн.: Наука и техника, 1987.
• Теория расписаний: Многостадийные системы. — М.: Наука, 1989 (совм. с Ю. Н. Сотсковым, В. А. Струсевичем).
• Математические модели и методы календарного планирования. — Мн.: Універсітэцкае, 1994 (совм. с Ю. Н. Сотсковым, В. А. Струсевичем).
• Теория расписаний: Групповые технологии. — Мн.: Ин-т техн.кибернетики НАН Беларуси, 1998 (совм. с М. Я. Ковалевым, Я. М. Шафранским).

Спасылкі

• Танаеў Вячаслаў Сяргеевіч на сайце анлайн-энцыклапедыі «Беларусь у асобах і падзеях»
• Вячаслаў Сяргеевіч Танаеў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)