Ратайчыцы
Вёска
Ратайчыцы 
Ратайчыцы на карце Беларусі ±   | ||||||||||||||||||||||||
Рата́йчыцы[1] (трансліт.: Ratajčycy, руск.: Ратайчицы) — вёска ў Беларусі, у Камянецкім раёне Брэсцкай вобласці. Адміністрацыйны цэнтр Ратайчыцкага сельсавета.
Геаграфія[правіць | правіць зыходнік]
Знаходзяцца пры ўпадзенні ракі П’яўкі ў раку Тачыю, за 18 км у напрамку на паўднёвы захад ад горада Каменец[2], за 30 км ад Брэста[2], за 16 км ад чыгуначнай станцыі Лышчыцы[2].
Геалогія[правіць | правіць зыходнік]
Ад вёскі паходзіць назва Ратайчыцкай світы, мясцовага стратыграфічнага падраздзялення верхняга пратэразою Беларусі, якое ўтварае большую сярэднюю частку валынскай серыі венду, уключае вулканічныя і вулканагенныя асадкавыя пароды.
Гісторыя[правіць | правіць зыходнік]
Летам 1906 года адбылося антыкулацкае выступленне. Сяляне вёскі Кустынь сумесна з сялянамі вёсак Ратайчыцы і Рудаўцы Берасцейскага павета выгналі з маёнтка Трасцянец групу кулакоў, якія купілі гэты маёнтак за 115 тыс. рублёў.
Насельніцтва[правіць | правіць зыходнік]
- 2001 год — 368 жыхароў, 144 двары[2].
Вытворчасць[правіць | правіць зыходнік]
У вёсцы знаходзіцца аднайменны гадавальнік дэкаратыўных раслін[3].
Славутасці[правіць | правіць зыходнік]
- За 0,25 км на паўночны ўсход, на левым беразе ракі П’яўка знаходзіцца курганны могільнік перыяду ранняга Сярэднявечча, датаваны XI—XIII стагоддзямі. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння (
Гісторыка-культурная каштоўнасць Беларусі, шыфр 113В000365). - За 0,8 км на паўднёвы ўсход ад вёскі знаходзіцца бескурганны могільнік перыяду ранняга Сярэднявечча, датаваны XI—XII стагоддзямі. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння ( Гісторыка-культурная каштоўнасць Беларусі, шыфр 113В000366).
- У самой вёсцы захаваліся рэшткі сядзібы XIX стагоддзя[4].
Вядомыя асобы[правіць | правіць зыходнік]
У 1920-х гадах у вёсцы працаваў настаўнікам Адам Трыпус.
Крыніцы[правіць | правіць зыходнік]
- ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
- ↑ а б в г БелЭн 2001.
- ↑ Питомник декоративных растений «Ратайчицы» Архівавана 30 верасня 2018. (руск.)
- ↑ Ратайчыцы на сайце Глобус Беларусі (руск.)
Літаратура[правіць | правіць зыходнік]
- Ратайчыцы // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 370. — 10 000 экз. — ISBN 985-11-0035-8. — ISBN 985-11-0216-4 (т. 13).
Спасылкі[правіць | правіць зыходнік]
На Вікісховішчы ёсць медыяфайлы па тэме Ратайчыцы
 | |
|---|---|
| Цэнтр | |
| Вёскі | |