Вікіпедыя:Кандыдаты ў добрыя артыкулы

Навічкам · Супольнасць · Парталы · Узнагароды · Праекты · Запыты · Ацэньванне Да рэцэнзавання · У добрыя · У выдатныя · У выдатныя спісы

На гэтай старонцы адбываецца абранне добрых артыкулаў, якія па той ці іншай прычыне яшчэ не з'яўляюцца выдатнымі, але могуць быць прылічаны да адных з лепшых артыкулаў у беларускай Вікіпедыі.

Перад тым, як выставіць артыкул для абмеркавання на атрыманне статусу добрага, калі ласка, абавязкова азнаёмцеся з патрабаваннямі да артыкула і працэдурай вылучэння!

Добрыя артыкулы пазней могуць стаць выдатнымі, таксама ў ходзе абмеркавання добрага артыкула можа быць прынята рашэнне аб намінацыі артыкула ў выдатныя.

Абмеркаванне пазбаўлення статусу добрых адбываецца на гэтай старонцы.

Добрыя артыкулы павінны мець адносна высокі ўзровень якасці, але ў адрозненне ад выдатных артыкулаў усе патрабаванні да іх носяць больш мяккі характар. У дадатак да агульных правілаў, датычных артыкулаў Вікіпедыі, добрыя артыкулы павінны быць:

• Якасна састаўленымі і арыгінальнымі: напісанымі для Вікіпедыі, а не скапіраванымі аднекуль; мова і стыль напісання павінны быць на добрым узроўні і не ўтрымліваць відавочных памылак.
• Поўнымі: раскрываць тэму ў поўным аб'ёме, улічваць самыя значныя факты і меркаванні.
• Добра прапрацаванымі: адлюстроўваць старанны і рэпрэзентатыўны агляд асноўнай літаратуры па тэме, калі большасць самых значных сцвярджэнняў можа быць праверана ў якасных і надзейных крыніцах, утрымліваць спіс літаратуры і зноскі.
• Нейтральнымі: прадстаўляць меркаванні справядліва і непрадузята.
• Стабільнымі: калі змест артыкула не з'яўляецца тэмай спрэчак і ў ім не вядзецца вайны правак.
• З уводзінамі: утрымліваць мінімум 3-4 сказы ўводзін, якія коратка раскрываюць тэму артыкула.
• Структураванымі: мець добра структураваную іерархію раздзелаў.
• Мець выявы толькі з ясным ліцэнзійным статусам: павінны ўтрымліваць толькі свабодныя выявы і/ці абгрунтаваную, мінімальна неабходную колькасць Fair-use выяваў, якія адпавядаюць крытэрыям добрасумленнага выкарыстоўвання.
• Закончанымі: не ўтрымліваць яўна недапісаных раздзелаў.
• Мець катэгорыі і інтэрвікі.

Што можа быць недапрацаваным:

• Часткі вялікай тэмы могуць быць не цалкам раскрытыя, пры ўмове, што асноўная тэма артыкула раскрытая;
• Выявы могуць адсутнічаць ці прысутнічаць ў недастатковай колькасці;
• Могуць адсутнічаць спасылкі на вонкавыя крыніцы;
• Мова можа быць не да канца дасканалая.

Галасы пазначаюцца з дапамогай наступных значкоў:

 За — шаблон {{За}};

 Устрымліваюся — шаблон {{Устрымліваюся}};

 Супраць — шаблон {{Супраць}}.

Калі вы галасуеце " Устрымліваюся" ці " Супраць", калі ласка, патлумачце прычыну.

Кандыдаты

Калі ласка, дадавайце для кожнага артыкула асобную секцыю :). Новыя артыкулы дадавайце зверху, каб не было блытаніны

Кароткі фільм пра забойства

Прапаную артыкул на статус добрага артыкула. --StachLysy (размовы) 13:38, 14 кастрычніка 2019 (+03)

•  За. Віт; размовы 21:00, 16 кастрычніка 2019 (+03)

Каментарыі

Не ведаю як аднесціся да паўтораў цытат у артыкуле… Усё ж такі гэта выглядае не вельмі энцыклапедычна, мяркую. Цытата Кеслёўскага ў раздзеле Вытворчасць: «Мяркую, гэты фільм па сутнасці не пра смяротнае пакаранне, а пра забойства ўвогуле. Пра забойства, якое з’яўляецца злом не ў залежнасці ад матываў, ад таго, хто забівае і каго» і яго ж цытата ў раздзеле Смяротнае пакаранне, як забойства: «Думаю, што фільм, па сутнасці, не пра смяротнае пакаранне, а пра забойства наогул. Пра забойства, якое заўсёды — зло. Не ў залежнасці ад матываў, ад таго, хто забівае і каго»; цытата крытыка Розенбаўма ў раздзеле Смяротнае пакаранне, як забойства: «магчыма, самым пераканаўчым фільмам пра смяротнае пакаранне са ўсіх калі-небудзь знятых» і яго ж у раздзеле Прыём: «магчыма, найбольш магутным фільмам пра смяротнае пакаранне ў гісторыі». Віт; размовы 00:23, 15 кастрычніка 2019 (+03)

Згодны, гэта не вельмі добра. Пакінуў па адной цытаце. --StachLysy (размовы) 17:06, 16 кастрычніка 2019 (+03)

Еўрапейская кінапрэмія 2018

Прапаную артыкул для надання статусу добрага артыкула. --StachLysy (размовы) 16:43, 13 ліпеня 2019 (+03)

• Выдатная праца —  За. Віт; размовы 23:53, 14 ліпеня 2019 (MSK)
• Лічу, гэта трэба на старонку Вікіпедыя:Кандыдаты ў выдатныя спісы перанесці: большая частка зместу — табліцы. --Krylowicz (размовы) 15:00, 15 ліпеня 2019 (+03)

Вагаўся на гэтую тэму і ўрэшце спыніўся на тым, што ў аснове артыкула не толькі спісы намінантаў і пераможцаў, але і невялікая перадгісторыя, сама цырымонія і яе асаблівасці. Таму змясціў тут. Але магчыма, і сапраўды варта перанесці, так як спісы займаюць большую частку артыкула. Можа яшчэ ў каго будуць меркаванні на гэты конт? --StachLysy (размовы) 15:28, 15 ліпеня 2019 (MSK)

StachLysy, паглядзіце Гарады Беларусі. Там таксама ёсць даволі вялікія ўводзіны, храналогія падзей. Але ў цэлым гэта спіс. --Krylowicz (размовы) 15:47, 15 ліпеня 2019 (+03)

У бевікі зараз няма дакладных крытэрыяў, якія дазволяць адназначна вызначыць, з’яўляецца старонка спісам або звычайным артыкулам. Аднак, з майго пункту гледжання, у асноўным можна зыходзіць з назвы. Гарады Беларусі ўжыта ў множным ліку і відавочна мае на ўвазе спіс, хоць вядома на старонцы могуць прысутнічаць і дадатковыя звесткі. Еўрапейская кінапрэмія 2018 гэта відавочна артыкул пра падзею, у якім могуць прысутнічаць табліцы і іншыя пералікі, але ад таго сам артыкул спісам не робіцца. Аднак, у плане высоўвання на добры артыкул або выдатны спіс варта глядзець, як старонка адпавядае тым ці іншым крытэрыям. Выкананне якіх крытэрыяў больш пасуе артыкулу — у такую намінацыю і варта абіраць.--Artsiom91 (размовы) 12:12, 16 ліпеня 2019 (MSK)

Еўрапейская кінапрэмія найлепшаму еўрапейскаму рэжысёру таксама ўжыта ў адзіночным ліку, аднак гэта спіс.--Krylowicz (размовы) 14:31, 16 ліпеня 2019 (+03)

Ці ёсць нейкія падзеі, звязаныя с цырымоніяй: скандалы, афіцыйныя заявы і інш.? Можна было б дадаць тэкставога матэрыялу і пакінуць менавіта як артыкул. Віт; размовы 11:51, 16 ліпеня 2019 (MSK)

Наўрадці будзе нешта асаблівае такога кшталту. Хіба што можна паспрабаваць зрабіць кароткае апісанне самой цырымоніі: нейкія ключавыя моманты апроч уручэння прызоў, тэмы прамоў, музычныя нумары і г.д. --StachLysy (размовы) 17:11, 17 ліпеня 2019 (+03)

Лічу, мае сэнс дадаць. Пра цырымоніі «Оскар» заўсёды ў замежнікаў распісана хто вёў, хто выступаў з музыкаў, якія палітычныя тэмы закраналіся ў прамовах і г. д. Віт; размовы 09:34, 18 ліпеня 2019 (MSK)

Завершаныя абмеркаванні

• З завершанымі абмеркаваннямі можна азнаёміцца ​​ў Архіве абмеркаванняў

Журнал абрання

• Вікіпедыя:Пералік добрых артыкулаў

Да пазбаўлення статусу

Пытанні аб пазбаўленні статусу добрых у выпадку неадпаведнасці крытэрыям абмяркоўваюцца на старонцы Вікіпедыя:Кандыдаты ў добрыя артыкулы/Да пазбаўлення статусу.

Гл. таксама

• Архіў абмеркаванняў
• Добрыя артыкулы
• Пералік добрых артыкулаў
• Тэхнічная працэдура абрання