Віталь Міхайлавіч Воўк

З пляцоўкі Вікіпедыя
Jump to navigation Jump to search
Віталь Міхайлавіч Воўк
Міністр прамысловасці Рэспублікі Беларусь
27 снежня 2014 — 16 жніўня 2018
Прэм’ер-міністр: Андрэй Кабякоў
Прэзідэнт: Аляксандр Лукашэнка
Папярэднік: Дзмітрый Кацярыніч
Пераемнік: Павел Уцюпін
Генеральны дырэктар ААТ «Мінскі завод колавых цягачоў»
4 кастрычніка 2011 — 27 снежня 2014
Папярэднік: Генадзь Сінягоўскі
Пераемнік: Ігар Летаў
 
Адукацыя:
Нараджэнне: 30 лістапада 1962(1962-11-30) (55 гадоў)
 
Узнагароды:

Ордэн Пашаны

Вітáль Міхáйлавіч Вóўк (1962, Калінкавічы, Гомельская вобласць) — беларускі дзяржаўны дзеяч, міністр прамысловасці Рэспублікі Беларусь (2014[1]—2018).

Біяграфія[правіць | правіць зыходнік]

У 1984 годзе скончыў Беларускі політэхнічны інстытут па спецыяльнасці «аўтамабілі і трактары», а ў 2009 годзе — Акадэмію кіравання пры Прэзідэнце Рэспублікі Беларусь, атрымаўшы спецыяльнасць «дзяржаўнае кіраванне нацыянальнай эканомікай».

У 1984—2001 гадах працаваў на розных пасадах на Мінскім аўтамабільным заводзе, а затым — Мінскім заводзе колавых цягачоў.

У 2001—2006 гадах з’яўляўся генеральным дырэктарам ТАА «ЮКОЛА-СЭРВІС» і ТАА «ЮКОЛА Мотарс».

У 2006—2010 гадах — намеснік генеральнага дырэктара вытворчага рэспубліканскага ўнітарнага прадпрыемства «Мінскі завод колавых цягачоў» па камерцыйных пытаннях, з 2010 па 2011 год — генеральны дырэктар сумеснага таварыства з абмежаванай адказнасцю «Волат-Санцзян».

З кастрычніка 2011 г. па снежань 2014 Віталь Міхайлавіч Воўк узначальваў ААТ «Мінскі завод колавых цягачоў».

Прэзідэнт Рэспублікі Беларусь Аляксандр Рыгоравіч Лукашэнка 27 снежня 2014 прызначыў Віталя Міхайлавіча Воўка Міністрам прамысловасці Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь[2], а 17 снежня 2015 года ўказам Прэзідэнта № 500 зноў зацверджаны на пасадзе міністра[3].

16 жніўня 2018 года вызвалены ад пасады Міністра прамысловасці за невыкананне даручэнняў Прэзідэнта Беларусі па комплексным развіцці Аршанскага раёна і неналежнае выкананне службовых абавязкаў[4].

18 верасня 2018 года быў прызначаны памочнікам Прэзідэнта Рэспублікі Беларусь — інспектарам па Віцебскай вобласці[5].

Зноскі

Спасылкі[правіць | правіць зыходнік]