Валянцін Васілевіч Сядоў

Валянцін Васілевіч Сядоў
Валянцін Васілевіч Сядоў
Дата нараджэння	21 лістапада 1924
Месца нараджэння	Нагінск, Багародскі павет[d], Маскоўская губерня, РСФСР, СССР;
Дата смерці	4 кастрычніка 2004 (79 гадоў)
Месца смерці	Масква, Расія;
Месца пахавання	Траякураўскія могілкі;
Грамадзянства	СССР; Расія;
Род дзейнасці	гісторык, археолаг
Навуковая сфера	археалогія
Месца працы	Інстытут археалогіі РАН[d];
Навуковая ступень	доктар гістарычных навук
Навуковае званне	акадэмік РАН
Альма-матар	МДУ; гістарычны факультэт МДУ[d];
Навуковы кіраўнік	Artemy Artsikhovsky[d]
Вядомыя вучні	М. У. Лапацін
Член у	Расійская акадэмія навук; Акадэмія навук СССР;
Прэміі

Валянцін Васілевіч Сядоў (21 лістапада 1924, Нагінск — 4 кастрычніка 2004, Масква) — савецкі і расійскі археолаг-славіст, загадчык аддзела палявых даследаванняў Інстытута археалогіі РАН, доктар гістарычных навук, прафесар, член-карэспандэнт РАН (1997), правадзейны член РАН (2003) і акадэмік АН Латвіі (1994).

Біяграфія

Скончыў Маскоўскі ўніверсітэт у 1951 годзе. З 1954 года ў Інстытуце археалогіі АН СССР. Даследаваў археалогію і культуру Старажытнай Русі, этнагенез славян, этнічную гісторыю балтаў і фіна-уграў. У 1960-я гады правёў разведку і раскопкі курганоў у Беларускім Панямонні. Стварыў тэорыю субстратнага паходжання беларусаў. Вынікамі ўздзеяння балцкага субстрату тлумачыць вытокі асаблівасцей беларускай лінгваэтнічнай супольнасці, якая, на яго думку, аформілася ў VIII—XII стагоддзях, да пачатку адасаблення беларусаў. Аўтар артыкула «Да паходжання беларусаў» (1967), «Этнагенез і станаўленне беларусаў» (2000), манаграфій «Славяне Верхняга Падняпроўя і Прыдзвіння» (1970), «Доўгія курганы крывічоў» (1974), «Паходжанне і ранняя гісторыя славян» (1979), «Усходнія славяне ў VI—XIII стагоддзях» (1982), «Старажытнаруская народнасць» (1999).

Узнагароды

Дзяржаўная прэмія СССР (1984)
Дзяржаўная прэмія Расіі (1998)

Зноскі

Літаратура

Штыхаў Г. В. Сядо́ў Валянцін Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 335. — 10 000 экз. — ISBN 985-11-0035-8. — ISBN 985-11-0251-2 (т. 15).
Георгій Штыхаў. Сядо́ў Валянцін Васілевіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 462. — 10 000 экз. — ISBN 985-11-0214-8.

Спасылкі

Профіль Валянціна Васілевіча Седова на афіцыйным сайце РАН
Пополняемое собрание работ В. В. Седова в электронном виде (составитель М. И. Жих) (руск.)