Галіна Мікалаеўна Малажай

З пляцоўкі Вікіпедыя
Jump to navigation Jump to search
Галіна Мікалаеўна Малажай
Дата нараджэння 15 сакавіка 1938(1938-03-15)
Месца нараджэння вёска Кустын, Брэсцкі раён
Дата смерці 14 мая 2005(2005-05-14) (67 гадоў)
Грамадзянства
Род дзейнасці вучоны
Навуковая сфера мовазнаўства
Навуковая ступень кандыдат філалагічных навук
Навуковае званне прафесар
Альма-матар Брэсцкі педагагічны інстытут
Узнагароды і прэміі
Медаль «За працоўную адзнаку»

Галіна Мікалаеўна Малажай (15 сакавіка 1938, вёска Кустын, Брэсцкі раён,  — 14 мая 2005) — беларускі мовазнавец.

Біяграфія[правіць | правіць зыходнік]

Нарадзілася ў сям'і служачых. Вучылася ў Астрамечаўскай школе, а ў 1952 г. — у сярэдняй школе № 1 горада Брэста. Пасля заканчэння школы, паступіла ў Брэсцкі дзяржаўны педагагічны інстытут імя. А. С. Пушкіна, на філалагічны факультэт. У 1960 г. закончыла інстытут. Працаваць была накіравана ў Кобрынскі раён. Два гады настаўнічала ў Павіцьеўскай сярэдняй школе, а праз некаторы час перавялася ў Корчыцкую сямігодку.

З 1963 г. пачала працаваць выкладчыкам педінстытута. З 1965 г. — старшы выкладчык. У 1971 г. абараніла кандыдацкую дысертацыю па тэме «Перыфразы ў беларускай літаратурнай мове (структурна-семантычная і стылістычная характарыстыка)» у Інстытуце мовазнаўства імя Якуба Коласа АН БССР.

У 1975 г. атрымала вучонае званне дацэнта, у 1988 г. — прафесара. З 1981 г. займала пасаду загадчыка кафедры беларускага мовазнаўства філалагічнага факультэта, дэпутат Брэсцкага абласнога Савета народных дэпутатаў 15-га, 16-га скліканняў, член Вучонай рады універсітэта. Падрыхтавала 2 кандыдата навук.

У 1983 г. атрымала ганаровае званне «Выдатнік народнай асветы», у 1984 г. — «Ветэран працы», у 1986 г. — Знак «За успехи в научно-исследовательской работе студентов».

Узнагароджана медалём «За працоўную адзнаку» (1986), ганаровай граматай Вярхоўнага Савета БССР (1988).

Даследавала праблемы беларускай фразеалогіі і дыялекталогіі, мову мастацкай літаратуры, праблемы выкладання беларускай мовы ў сітуацыі білінгвізму.

Зноскі

Літаратура[правіць | правіць зыходнік]