Генрых Хрыстафоравіч Татур
Генрых Хрыстафоравіч Татур | |
---|---|
Дата нараджэння | 17 верасня 1846 |
Месца нараджэння | |
Дата смерці | 1907 |
Грамадзянства | |
Бацька | Хрызастом Лаўрэнцій Дамінік Татур |
Род дзейнасці | навуковец |
Творы ў Вікікрыніцах |
Генрых Хрыстафоравіч Татур (17 верасня 1846[1], Мінск — 1907) — беларускі гісторык, археолаг, краязнавец, калекцыянер.
Біяграфія[правіць | правіць зыходнік]
Дробны чыноўнік Мінскага губернскага статыстычнага камітэту. З 1874 вёў археалагічныя раскопкі ў Мінскай губерні, склаў яе археалагічную карту з апісаннем помнікаў. Аўтар кнігі «Археалагічнае значэнне Мінскай губерні» (1878), «Нарысу археалагічных помнікаў на прасторы Мінскай губерні і яе археалагічнага значэння» (1892). У выніку паездак па Міншчыне падрыхтаваў вялікі альбом археалагічных помнікаў (1893). Стварыў у Мінску багаты прыватны музей па гісторыі матэрыяльнай культуры Беларусі і ўнікальную бібліятэку. Падтрымліваў сувязі з Карусём Каганцом, мінскімі гімназістамі. Пасля смерці навукоўца яго зборы прададзеныя за мяжу. Некалькі прац захавалася ў рукапісах.
Зноскі
- ↑ ТАТУР ГЕНРИХ ХРИЗОСТОМОВИЧ (руск.). Род фамилии Татур. Праверана 30.09.2016.
Літаратура[правіць | правіць зыходнік]
- Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.
- Дзярновіч А. Мінскі антыквар і археолаг Генрых Татур ва ўспамінах і ліставанні // Знакамітыя мінчане ХІХ—ХХ стст. Вып. 6: Мінск і мінчане ў літаратурных творах на рубяжы ХІХ—ХХ стст. / Інстытут Польскі ў Мінску. — Мн.: Выдавец Віктар Хурсік, 2011. — С. 178—183. — Эл.рэсурс pawet.net