Паўладар

Горад Паўладар каз.: Павлодар Герб Сцяг Краіна Казахстан Вобласць Паўладарская вобласць Каардынаты 52°18′56″ пн. ш. 76°57′23″ у. д. Акім Nurschan Aschimbetow[d] Заснаваны 1720 Першая згадка 1720 Горад з 1861 Плошча 637,8 км² Вышыня цэнтра 123 ± 1 м Насельніцтва 353 930 чалавек (2014) Нацыянальны склад рускія, казахі, украінцы, татары, беларусы Часавы пояс UTC+6 Тэлефонны код +7 +7 7182 Паштовыя індэксы 140000 — 140017 Аўтамабільны код 14 (раней S) Афіцыйны сайт city-pavlodar.gov.kz (руск.)(каз.)(англ.) Паўладар на карце Казахстана ±

Медыяфайлы на Вікісховішчы

Паўладар (каз.: Павлодар) — горад на паўночным усходзе Казахстана, за 450 км на паўночны ўсход ад сталіцы краіны горада Астана, і за 405 км на паўднёвы ўсход ад расійскага горада Омск на рацэ Іртыш, адміністрацыйны цэнтр Паўладарскай вобласці. У склад горада ўваходзяць пасёлак Ленінскі, сёлы Мойылды, Паўладарскае і Кенжекольская сельская акруга.

У горадзе знаходзяцца нафтаперапрацоўчы, хімічны, алюмініевы, электролізны, металургічны, кардонна-руберойдавы, машынабудаўнічы і трактарны заводы.

Гісторыя

У IX-XII стагоддзях недалёка ад месца існавання сучаснага Паўладару размяшчаўся горад Імакія, які ў некаторых крыніцах згадваецца як Кімакія (па-казахску: Қимақия), зніклы сярэднявечны азіяцкі горад кімакаў, гэта значыць сталіца Кімакскага каганата.

Паўладар вядзе сваю гісторыю з 1720 года, калі ў шэрагу ваенных крэпасцей і фарпостаў Расіі на Іртышы з'явіўся фарпост Каракаўскі, названы так таму, што быў пабудаваны побач са складамі солі, якая здабывалася на Каракаўскім возеры. Размяшчаўся ён прыкладна ў раёне цяперашняй гарадской выратавальнай станцыі і завода «Кастрычнік». Паводле захаваных дакументаў, фарпост меў форму квадрату 50 на 50 метраў, быў абнесены высокім бярвёным плытом, па кутах меў бастыёны з артылерыйскімі батарэямі.

Насельніцтва

Насельніцтва горада складае 331 119 чалавек паводле дадзеных на пачатак 2012 года, аднак разам з некалькімі прадмесцямі колькасць насельніцтва ёсць некалькі большым. Паводле нацыянальнага складу першае месца трымаюць рускія, якія складаюць 45,7 % насельніцтва. На другім месцы знаходзяцца казахі з паказчыкам 38,6 % ад агульнай колькасці насельніцтва горада. Таксама значнымі нацыянальнымі меншасцямі з’яўляюцца ўкраінцы (6,7 %), немцы (2,7 %), татары (2,3 %).

Год Колькасць 1897 7 738 1959 90 096 1970 187 070 1979 272 895 1989 330 748 1999 300 503 Год Колькасць 2005 291 408 2006 295 696 2007 300 226 2008 303 955 2009 317 289 2010 320 362 Год Колькасць 2011 322 037 2012 322 305 2013 325 465 2014 329 839 2015 332 771 2016 335 185 Год Колькасць 2017 335 295 2018 334 930 2019 333 989 2020 360 502 2023 367 254

Гарады-пабрацімы

•  Анкара, Турцыя
•  Багдад, Ірак
•  Быдгашч, Польшча (23 красавіка 2012)
•  Дэнізлі, Турцыя
•  Кайсеры, Турцыя (3 мая 2010)
•  Масква, Расія
•  Мёнхенгладбах, Германія
•  Омск, Расія (14 кастрычніка 2015)
•  Тэгеран, Іран

Вядомыя асобы

• Галіна Гаўрылаўна Цернавая (1928—1990) — беларускі юрыст. Доктар юрыдычных навук (1971), прафесар (1975).

Спасылкі

• На Вікісховішчы ёсць медыяфайлы па тэме Паўладар
• Паспорт города Павлодар на сайте акимата Павлодарской области
• Акимат Павлодарской области
• Павлодарский Городской портал
• Департамент статистики Павлодарской области Архівавана 2 мая 2012.
• Департамент экономики Павлодарской области Архівавана 23 лютага 2007.
• Городской отдел образования г. Павлодара
• Музеи города Павлодар Архівавана 7 ліпеня 2010. на сайте pavlodar.kz
• Карта Павлодара Архівавана 27 снежня 2012.
• Спортивный сайт о вольной и классической борьбе в Павлодаре Архівавана 2 сакавіка 2021.