Гувахаці

Горад
Гувахаці
асам. গুৱাহাটী, англ.: Guwahati
26°09′53″ пн. ш. 91°44′51″ у. д.
Краіна	Індыя
Рэгіён	Асам
Гісторыя і геаграфія
Першая згадка	IV ст. да н. э.
Ранейшыя назвы	Прагдж'ётыша, Камарупанагар
Плошча	328 км²
Вышыня цэнтра	680 м
Часавы пояс	UTC+5:30
Насельніцтва
Насельніцтва	1 116 267 чал. (2020)
Шчыльнасць	27 462 чал./км²
Нацыянальны склад	асамцы, бенгальцы
Канфесійны склад	індуізм, іслам, джайнізм, хрысціянства
Афіцыйная мова	асамская, англійская
Лічбавыя ідэнтыфікатары
Тэлефонны код	+91-(0)361
Паштовыя індэксы	7810XX
Аўтамабільны код	AS-01, AS-25
eodbassam.in (англ.)
Паказаць/схаваць карты
Гувахаці
Медыяфайлы на Вікісховішчы

Гувахаці (англ.: Guwahati, асам. গুৱাহাটী) — найбуйнейшы горад у індыйскім штаце Асам. Насельніцтва — 957 352 чал. (2011 г.).

Геаграфія

Горад абмежаваны на поўначы ракой Брахмапутра, на поўдні — горным масівам. Цэнтральнай часткай лічыцца ўзбярэжжа Брахмапутры. Характэрны трапічны клімат з сярэднегадавой тэмпературай +22 °C. Сярэднегадавая колькасць ападкаў 2054 мм. Найбольш вільготным з’яўляецца сезон мусонаў з мая да верасня.

Гісторыя

Лічыцца, што горад на месцы Гувахаці ўпершыню ўзгадваецца ў Рамаяне. Ён меў назву Прагдж’ётыша і быў цэнтрам аднайменнай дзяржавы, потым дзяржавы Камарупа. У XI ст. быў заснаваны горад Камарупанагар. Сучасная назва паходзіць з асамскай мовы і значыць «арэхавы рынак».

Эканоміка

У 2006 г. Гувахаці заняў 17 месца па ўзроўню жыцця сярод гарадоў Індыі. З’яўляецца важным цэнтрам банкаўскага абслугоўвання, нафтавай і чайнай прамысловасці.

Інфраструктура

У Гувахаці знаходзяцца штаб-кватэра паліцыі штата Асам, высокі суд, улада якога распаўсюджваецца на Асам і суседнія штаты, працуе болей за 20 устаноў вышэйшай адукацыі, інстытут сацыяльных навук, некалькі спартыўных стадыёнаў.

Нацыянальная чыгунка і шаша нумар 27 злучаюць Гувахаці са штатамі Заходняя Бенгалія і Біхар. У 20 км ад горада знаходзіцца міжнародны аэрапорт. Гувахаці — найбуйнешы індыйскі порт на рацэ Брахмапутра.

Спасылкі

Guwahati даведнік на сайце Wikivoyage

• На Вікісховішчы ёсць медыяфайлы па тэме Гувахаці
• Guwahati — The Economic Times
• Tourism in Guwahati