Дзмітрый Міхайлавіч Ніткін

Дзмітрый Міхайлавіч Ніткін
Дзмітрый Міхайлавіч Ніткін
Дата нараджэння	15 верасня 1973 (50 гадоў)
Месца нараджэння	Барысаў, Мінская вобласць, БССР, СССР;
Грамадзянства	Беларусь;
Род дзейнасці	навуковец
Месца працы	Беларускі дзяржаўны інстытут удасканалення ўрачоў;
Навуковая ступень	доктар медыцынскіх навук (2018)
Навуковае званне	прафесар;
Альма-матар	Мінскі медыцынскі інстытут (1996);
Узнагароды

Дзмітрый Міхайлавіч Ніткін (нар. 15 верасня 1973, г. Барысаў, Мінская вобласць, БССР) — беларускі ўрач, доктар медыцынскіх навук (2018), прафесар (2019).

Біяграфія[правіць | правіць зыходнік]

Скончыў з адзнакай у 1996 годзе Мінскі ордэна Працоўнага Чырвонага Сцяга дзяржаўны медыцынскі інстытут па спецыяльнасці «Лекавая справа».

З 1996 па 1997 год — урач-стажор па ўралогіі, урач-уролаг 1-га ўралагічнага аддзялення 4-га гарадской клінічнай бальніцы г. Мінска.

З 1997 па 1999 год — клінічны ардынатар Беларускага ордэна Працоўнага Чырвонага Сцяга дзяржаўнага інстытута ўдасканалення ўрачоў.

З 1999 па 2003 год — урач-уролаг уралагічнага аддзялення № 2 Мінскай ордэна Працоўнага Чырвонага Сцяга абласной клінічнай бальніцы.

З 2003 па 2006 год — аспірант кафедры ўралогіі і нефралогіі дзяржаўнай установы адукацыі «Беларуская медыцынская акадэмія паслядыпломнай адукацыі».

У 2006 годзе паспяхова абараніў кандыдацкую дысертацыю на тэму «Абгрунтаванне карэкцыі метабалічных парушэнняў пры мачакаменнай хваробе».

З 2006 па 2010 год — асістэнт кафедры ўралогіі і нефралогіі дзяржаўнай установы адукацыі «Беларуская медыцынская акадэмія падыпломнай адукацыі».

З 2010 па 2013 год — дацэнт кафедры ўралогіі і нефралогіі дзяржаўнай установы адукацыі «Беларуская медыцынская акадэмія падыпломнай адукацыі».

У 2011 годзе пастановаю ВАК Рэспублікі Беларусь прысвоена навуковае званне «дацэнт» па спецыяльнасці «Клінічная медыцына».

З 2013 па верасень 2018 года — загадчык кафедры ўралогіі і нефралогіі дзяржаўнай установы адукацыі «Беларуская медыцынская акадэмія падыпломнай адукацыі».

У 2018 годзе паспяхова абараніў доктарскую дысертацыю на тэму «Узроставыя парушэнні андрагеннага статусу ў мужчын: роля ў развіцці ўралагічных хвароб», рашэннем Прэзідыума Вышэйшай атэстацыйнай камісіі Рэспублікі Беларусь ад 16 мая 2018 года прысуджана навуковая ступень доктара медыцынскіх навук.

З верасня 2018 па верасень 2020 года — рэктар дзяржаўнай установы адукацыі «Беларуская медыцынская акадэмія падыпломнай адукацыі».

У снежні 2019 года пастановай ВАК Рэспублікі Беларусь прысвоена навуковае званне «прафесар» па спецыяльнасці «Клінічная медыцына».

З верасня 2020 па верасень 2023 года — прафесар кафедры ўралогіі і нефралогіі дзяржаўнай установы адукацыі «Беларуская медыцынская акадэмія падыпломнай адукацыі».

З 1 кастрычніка 2023 года — прафесар кафедры ўралогіі і нефралогіі інстытута падвышэння кваліфікацыі і перападрыхтоўкі кадраў аховы здароўя УА «Беларускі дзяржаўны медыцынскі ўніверсітэт»

Навуковая дзейнасць[правіць | правіць зыходнік]

Падрыхтаваў двух кандыдатаў медыцынскіх навук.

Асноўная тэматыка навуковых даследаванняў: метабалічныя парушэнні пры мачакаменнай хваробе, узроставыя парушэнні андрагеннага статусу ў пацыентаў уралагічнага профілю, мужчынская бясплоднасць, хірургічная андралогія і ўрагінекалогія.

Апублікавана 272 навуковыя працы ў айчынным і замежным друку, 4 манаграфіі, 23 навучальна-метадычных дапаможнікі, 3 даведкавыя дапаможнікі, 13 інструкцый па ўжыванні, мае 10 патэнтаў на вынаходства і 5 рацыяналізатарскіх прапаноў.

Узнагароды[правіць | правіць зыходнік]

Нагрудны значок «Выдатнік аховы здароўя Рэспублікі Беларусь» (2018)
Нагрудны значок «Выдатнік адукацыі Рэспублікі Беларусь» (2021)

Спасылкі[правіць | правіць зыходнік]

Ниткин Дмитрий Михайлович