Дзіцячы атлас Беларусі. Замкі, крэпасці, бажніцы

Дадаць спасылкі
З Вікіпедыі, свабоднай энцыклапедыі
Дзіцячы атлас Беларусі. Замкі, крэпасці, бажніцы
Выданне
Жанр Навукова-папулярнае выданне
Аўтар Яраш Малішэўскі
Мова арыгінала беларуская
Асобнае выданне 2019 г.
Выдавецтва Мастацкая літаратура
Колькасць старонак 80
Афармленне Мастацкі рэдактар: В. А. Макаранка
ISBN 978-985-02-1898-8

«Дзіцячы атлас Беларусі. Замкі, крэпасці, бажніцы» — кніга, прысвечаная помнікам беларускай архітэктары[1]; навукова-папулярнае выданне. Выдадзена ў выдавецтве «Мастацкая літаратура» ў 2019 годзе. Аўтар тэксту і ўкладальнік — Яраш Малішэўскі. Рэдактар — А. В. Спрынчан.

Змест[правіць | правіць зыходнік]

Кніга з’яўляецца своеасаблівай ілюстраванай энцыклапедыяй[2]. У кнізе прадстаўлены 101 помнік беларускага дойлідства[3] — старажытныя замкі, мураваныя крэпасці, каменныя і драўляныя бажніцы — касцёлы, цэрквы, мячэці, сінагогі[4]. У атласе змешчаны як існуючыя помнікі, так і даўно зруйнаваныя, але адноўленыя ў малюнках[5].

Матэрыял у кнізе пададзены ўпарадкавана, па абласцях – для лягчэйшай арыентацыі[4].

У кнізе прадугледжана магчымасць адзначыць мясціны, у якіх ужо пабывалі, — зафарбаваўшы сэрца, якое намалявана каля кожнага помніка архітэктуры[2].

Прэзентацыя[правіць | правіць зыходнік]

17 мая 2019 года ў мінскай бібліятэцы імя Цёткі адбылася прэзентацыя кнігі. На прэзентацыі прысутнічала шмат цікавых гасцёў — беларускія літаратары, музыканты, гісторыкі, журналісты. Многія з іх так ці інакш звязаны з мясцінамі, пра якія гаворыцца ў кнізе. Яны расказалі свае гісторыі, звязаныя з гэтымі мясцінамі і помнікамі, пра якія ўзгадана ў кнізе. Сярод выступоўцаў былі галоўны рэдактар «Мастацкай літаратуры» Віктар Шніп, мовазнавец Юрый Пацюпа, паэт і журналіст Міхась Скобла, паэтэса і этнакультуролаг Антаніна Хатэнка, гісторык-архівіст Вольга Бабкова, рэстаўратар Ігар Сурмачэўскі, гісторык мастацтва Галіна Флікоп-Світа. Музычную атмасферу стваралі сам Яраш Мальшэўскі, юная цымбалістка Альжбэта Малішэўская-Спрынчан, музыка Піт Паўлаў і фолк-гурт «Астроўна»[2]. Галоўны рэдактар «Мастацкай літаратуры» Віктар Шніп зазначыў, што гэтая кніга — найлепшая з усіх выдадзеных за апошні час выдавецтвам[2].

27 мая 2019 года кніга была прэзентавана на мінскіх курсах «Мова нанова»[3].

Прэзентацыя кнігі ў бібліятэцы ім. Цёткі
Яраш Малішэўскі і вядучая прэзентацыі Аксана Спрынчан
Віншаванні ад гал. рэд. выд. «Мастацкая літаратура» В. Шніпа
Піт Паўлаў, Яраш Малішэўскі і Аксана Спрынчан

Літаратура[правіць | правіць зыходнік]

Спасылкі[правіць | правіць зыходнік]

commons: Дзіцячы атлас Беларусі. Замкі, крэпасці, бажніцы на Вікісховішчы

Зноскі

  1. ↑ Дзіцячы атлас Беларусі. Замкі, крэпасці, бажніцы. УП «Академическая книга» (23 красавіка 2019). Праверана 30 мая 2019.
  2. ↑ а б в г Грушэцкі А.. 101 цуд Беларусі ў адной кнізе. Новы Час (18 мая 2019). Архівавана з першакрыніцы 3 чэрвеня 2019. Праверана 30 мая 2019.
  3. ↑ а б Яраш Малішэўскі прэзентаваў дзіцячы атлас Беларусі на „Мове-нанова”(недаступная спасылка). Радыё Рацыя (27 мая 2019). Архівавана з першакрыніцы 3 чэрвеня 2019. Праверана 3 чэрвеня 2019.
  4. ↑ а б Грушэцкі А.. З атласам замкаў – па Беларусі. Літаратура і мастацтва. Архівавана з першакрыніцы 7 чэрвеня 2019. Праверана 7 чэрвеня 2019.
  5. ↑ Рублеўская Л.. Яраш Малішэўскі. Дзіцячы атлас Беларусі. Замкі, крэпасці, бажніцы. СБ. Беларусь сегодня (17 мая 2019). Праверана 3 чэрвеня 2019.
Узята з "https://be.wikipedia.org/w/index.php?title=Дзіцячы_атлас_Беларусі._Замкі,_крэпасці,_бажніцы&oldid=4660903"