Жазеф Арцюр дэ Габіно

Жазеф Арцюр дэ Габіно
фр.: Joseph Arthur comte de Gobineau
Граф дэ Габіно
Асабістыя звесткі
Дата нараджэння:	14 ліпеня 1816(1816-07-14)
Месца нараджэння:	Віль-д’Аўрэ[d]
Дата смерці:	13 кастрычніка 1882(1882-10-13) (66 гадоў)
Месца смерці:	Турын, правінцыя Турын[d], П'емонт, Італія
Пахаванне:	Турынскія манументальныя могілкі[d]
Грамадзянства:	Францыя
Літаратурная дзейнасць
Род дзейнасці:	тэарэтык расавай тэорыі, філосаф, пісьменнік, дыпламат, паэт, раманіст, сацыёлаг, палітык
Мова твораў:	французская
Творы ў Вікікрыніцах
Выявы на Вікісховішчы

Жазеф Арцюр дэ Габіно (фр.: Joseph Arthur de Gobineau; 14 ліпеня 1816 — 13 кастрычніка 1882) — французскі сацыёлаг, этнолаг, антраполаг, пісьменнік, дыпламат, арыстакрат, кансерватар-манархіст.

Погляды

У сваёй галоўнай працы — «Нарыс аб няроўнасці чалавечых рас» (1853—1855) — дэ Габіно прапанаваў ідэю, адпаведна якой сацыяльная няроўнасць паміж народамі звязаная з іх біялагічнымі схільнасцямі (галоўным чынам псіхічнымі якасцямі). Род homo sapiens дэ Габіно падзяліў на 3 вялікія расы: белую, жоўтую і чорную — сярод якіх найбольш здольная ў сацыяльным і культурным плане — белая (пасля яе — жоўтая).

Ядром усіх узніклых цывілізацый дэ Габіно называў арыяў — арыстакратычную белую падрасу — з якімі даследчык атаясамліваў індаеўрапейцаў. Паводле дэ Габіно арыі (індаеўрапейцы), прыходзячы падчас вандровак у далёкія краіны, падначальвалі сабе мясцовае насельніцтва і, для кіравання ім, утваралі першыя дзяржаўныя інстытуты (так узніклі цывілізацыі). Заняпад жа цывілізацый тлумачыцца дэ Габіно парушэннем арыйскай арыстакратыяй законаў эўгенікі і змяшэннем арыяў з мясцовым насельніцтвам.

Такім чынам Жазеф Арцюр дэ Габіно з'яўляецца бацькам усіх расісцкіх тэорый, бо першым абгрунтаваў ідэю няроўнасці людзей па прычыне розніцы прыроджаных (у процівагу набытым) біялагічна-расавых здольнасцей.