Залаты компас

Залаты компас
The Golden Compass
Жанр	прыгодніцкі фільм сямейны фільм фэнтэзі
Рэжысёр	Крыс Вайц
Прадзюсар	Deborah Forte[d]
Сцэнарыст	Філіп Пулман
У галоўных ролях	Ніколь Кідман Ева Грын Дакота Блю Рычардс Дэніэл Крэйг Іэн Мак-Келен Сэм Эліят
Аператар	Генры Брэхам
Кампазітар	Аляксандр Дэспла
Кінакампанія	New Line Cinema
Працягласць	109 хв.
Бюджэт	$180 млн
Зборы	$372 234 864
Краіна	ЗША Вялікабрытанія
Мова	англійская
Год	2007
IMDb	ID 0385752

«Залаты компас» (англ.: The Golden Compass) — экранізацыя фантастычнай казкі Філіпа Пулмана, лаўрэат прэміі Оскар у намінацыі «Лепшыя візуальныя эфекты». «Залаты компас» з’яўляецца амерыканскім варыянтам назвы першай часткі трылогіі «Цёмныя пачаткі»; ва ўсім астатнім свеце кніга была выдадзена пад назвай «Паўночнае ззянне» (Northern lights).

Сюжэт

«Залаты компас» распавядае пра пачатак прыгод незвычайнай дзяўчынкі Ліры Белаква ў свеце, дзе ведзьмы кіруюць нябёсамі Поўначы, дзе белыя мядзведзі — самыя адважныя воіны, і дзе ў кожнага чалавека ёсць свой персанальны «дэйман» — жывёла, якая суправаджае чалавека ўсё яго жыццё, і дзе навука, тэалогія і магія цесна звязаны паміж сабой.

У звычайным жыцці Ліра праводзіць свае дні на вуліцах горада Оксфард з хлопчыкам Роджэрам, аднак яе жыццё радыкальна змяняецца пасля таго, як яна разам са сваім «дэйманам» па імі Панцеляймон прадухіляе спробу забойства яе дзядзькі, магутнага Лорда Азрыэла, і выпадкова чуе тайную гутарку пра таямнічыя часціцы пад назвай «Сярэбраны Пыл», якія пагражаюць знішчыць усе светы. Неўзабаве ў яе рукі трапляе дзіўны артэфакт, знешне падобны на компас, пад назвай алетыёметр: з яго дапамогай можна пазнаваць ісціну пра невядомыя рэчы, аднак яго нялёгка прачытаць.

Тым часам у краіне пачынаюць знікаць маленькія дзеці. Сярод Оксфардскіх дзяцей праходзіць слых, што за гэытмі падзеямі стаіць магутная арганізацыя — Жрацы, якія з’яўляюцца Ахвярным Саветам. У гэты ж момант у Оксфардзе аб’яўляецца загадкавая і ўплывовая місіс Колтэр, якая бярэ Ліру пад сваю апеку. У пэўны момант Ліра даведваецца, што Місіс Колтэр уваходзіць у нейкі Ахвярны Савет і датычная да знікнення дзяцей.

Ліра збягае ад місіс Колтэр і трапляе да цыганаў, якія больш за іншых пацярпелі ад дзейнасці Савета. Адначасова Ліра высвятляе, што ў будынку пад назвай Больвангар рыхтуецца нешта страшнае, там жа знаходзяцца і выкрадзеныя дзеці і сярод іх лепшы сябар Ліры — Роджэр. Ліра разам з цыганамі адпраўляецца на Поўнач, каб адшукаць і выратаваць няшчасных дзяцей. На дапамогу да дзяўчынкі прыходзяць клан паўночных ведзьмаў пад правадырствам цудоўнай Серафіны Пекалы і велізарны браніраваны мядзведзь — Ёрэк Бірнісанам. На шляху іх стаяць злавесная місіс Колтэр і армія яе памагатых, якія ахоўваюць Больвангар.

Пра фільм

Свет Ліры

Свет Ліры — гэта паралельны свет з элементамі стымпанку, вельмі падобны на рэальны свет пачатку XX стагоддзя. Напрыклад, геаграфія: тыя ж акіяны, ёсць Брытанія, Нарвегія, паўночны полюс. У свеце Ліры частка душы чалавека жыве асобна ад цела ў выглядзе дэймана — гаворачай жывёлы, якая суправаджае чалавека ўсё яго жыццё не толькі духоўна, але і фізічна. Дэйман дзіцяці можа змяняцца, прымаючы форму тых жывёл, якія блізкія дзіцяці па духу. Але калі дзіця вырасце, дэйман прымае форму нейкай адной жывёлы ў адпаведнасці з характарам свайго гаспадара. Сувязь паміж чалавекам і дэйманам незвычайна моцная, любое ўмяшанне ў іх адносіны катэгарычна забараняецца. Пры смерці чалавека яго дэйман імгненна ператвараецца ў пыл. Чалавек без дэймана ў свеце Ліры лічыцца калекай.

У ролях

Акцёр	Роля
Дакота Блю Рычардс	Ліра Белаква Ліра Белаква
Ніколь Кідман	Марыса Колтэр Марыса Колтэр
Ева Грын	Серафіна Пекала Серафіна Пекала
Дэніэл Крэйг	Азрыэл Лорд Азрыэл
Фрэдзі Хаймар	Панцеляймон Панцеляймон (голас)
Том Кортні	Фардэр Корам Фардэр Корам
Іэн Мак-Келен	Ёрэк Бірнісан Ёрэк Бірнісан (голас)
Іэн Мак-Шэйн	Ёфур Ракнісан Кароль Ёфур Ракнісан (голас)
Сэм Эліят	Лі Скорсбі Лі Скорсбі
Клэр Хігінс	Ма Коста Ма Коста
Джым Картэр	Джон Фаа Кароль Джон Фаа
Крысцін Скот Томас	Стэльмарыя Стэльмарыя (голас)
Кэці Бэйтс	Эстэр Эстэр (голас)
Крыстафер Лі	Першы Вярхоўны Саветнік Магістэрыума
Дэрэк Джэкабі	Эмісар Магістэрыума
Хэці Морахэн	Клара сястра Клара
Сайман Мак-Бёрні	Брат Павел Брат Павел
Магда Шубанскі	місіс Лонсдэйл місіс Лонсдэйл

Спасылкі

• Афіцыйны сайт фільма «Залаты компас»
• «Залаты компас» на сайце «Internet Movie Database» (англ.)
• Залаты компас на сайце «AllMovie» (англ.)
• «Залаты компас» на сайце «Rotten Tomatoes» (англ.)
• Залаты компас на сайце «Metacritic» (англ.)
• Залаты компас на сайце «Box Office Mojo» (англ.)
• Інтэрв’ю часопіса Newsweek з Дакотай Блю Рычардс
• Golden Compass Trailer