Змеепадобныя елкі
Змеепадо́бныя е́лкі — помнік прыроды рэспубліканскага значэння ў Брэсце, Беларусь. Растуць у заходняй частцы Парку культуры і адпачынку на ўчастку разам з іншымі дрэвамі елкі распаўсюджаных формаў. Уся група дрэў абнесена металічнай агароджай[1]. Марфалагічна змененая форма елкі еўрапейскай (Picea abies 'virgata' ); мае доўгія маларазгалінаваныя бакавыя галінкі. Узрост каля 80 гадоў, вышыня каля 10 м. Каштоўная дэкаратыўная культура. Ахоўны статус нададзены ў 1968 годзе.
Падобныя формы адзначаны ў Чырвонабярэжскім (Жлобінскі раён), Грудзінаўскім (Быхаўскі раён), Бярозаўскім (Навагрудскі раён), Ігнаціцкім (Мінскі раён) і Раваніцкім (Чэрвеньскі раён) парках.
Зноскі
- ↑ Памятники природы республиканского значения Брестской области Архівавана 22 лістапада 2017.
Літаратура[правіць | правіць зыходнік]
- Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.