Змяіны востраў

З пляцоўкі Вікіпедыя
Перайсці да: рух, знайсці
Змяіны
Острів Зміїний (карта).jpg
45°15′18″ пн. ш. 30°12′15″ у. д.HGЯO
Акваторыя Чорнае мора
Краіна Flag of Ukraine.svg Украіна
Рэгіён Адэская вобласць
Змяіны востраў (Украіна)
Змяіны
Змяіны
Змяіны востраў (Адэская вобласць)
Змяіны
Змяіны
Плошча 2,22 км²
Насельніцтва 30 чал.
Шчыльнасць насельніцтва 13,514 чал./км²
Агульны выгляд
Агульны выгляд
Commons-logo.svg Змяіны на Вікісховішчы

Змяі́ны (укр.: Зміїний) — востраў у Чорным моры. Уваходзіць у склад Адэскай вобласці Украіны. Агульная плошча - 2,22 км². Насельніцтва - каля 30 чал. (2012 г.).

Геаграфія[правіць | правіць зыходнік]

Востраў Змяіны знаходзіцца ў 35 км на ўсход ад дэльты Дуная, у 130 ум на паўднёвы захад ад Адэсы, у 570 км на паўднёвы захад ад Кіева. Даўжыня з паўночнага ўсходу на паўднёвы захад — 675,4 м, шырыня з паўночнага захаду на паўднёвы ўсход — 661 м.

Востраў мае мацерыковае паходжанне. Сфарміраваўся ў выніку апускання шэльфа чарнаморскай западзіны з-за тэктанічных працэсаў і падвышэння ўзроўню сусветнага акіяна. Прычым, гэтыя працэсы працягваюцца і ў нашы дні[1]. Складзены крышталічнымі пародамі. Берагі абрывістыя. На востраве 4 пляжы. Найбольшая вышыня — 41,3 м. На прылеглым шэльфе (20 - 70 км ад Змяінага) выяўлены запасы вуглевадародаў[2].

Клімат памераны, дзякуючы ўздзеянню мора больш мяккі, чым ў кантынентальнай прычарнаморскай частцы Адэскай вобласці. Сярэдняя зімовая тэмпература рэдка апускаецца ніжэй за 0°C. Зафіксаваны мінімум -30°С. Сярэдняя летняя тэмпература — +22°С. Сярэднегадавая колькасць ападкаў — каля 300 мм.

Прырода[правіць | правіць зыходнік]

Антычныя крыніцы ўзгадвалі пра тое, што востраў быў пакрыты лесам. У нашы дні флора тыповая для еўрапейскіх стэпаў. Выяўлена 42 віды раслін, у тым ліку 7 метлюжковых і 11 астравых. Распаўсюджаныя жывёлыптушкі (вераб'і, гарбаткі, пеганкі і інш.) і казуркі[3].

Гісторыя[правіць | правіць зыходнік]

Востраў Змяіны звычайна атаесамляецца з востравам Лефкэ (стар.-грэч.: Λευκός) (літаральна, "Белы"), вядомым старажытным грэкам з VII ст. да н. э. На ім знаходзіўся храм Ахіла, заступніка мараплаўцаў[4]. Сучасная назва з'яўляецца прамым перакладам больш позняга грэчаскага наймення Фіданісі (грэч.: Φίδονισι). Лічыцца, што яно ўзнікла з-за вужоў, што прыплывалі на бярвеннях з дэльты Дуная[5].

У канцы XVIII ст., калі востраў з'явіўся на картах, ім валодала Асманская імперыя. У 1788 г. каля яго берагоў адбылася марская бітва паміж ваеннымі флотамі асманаў і Расійскай імперыі. У 1829 г. быў перададзены Расіі. На ім пабудавалі маяк, прычым матэрыялам для будаўніцтва сталі рэшткі пабудоў, прынятых за храм Ахіла[6]. У 1841 г. арганізавана навуковая экспедыцыя для даследавання Змяінага. Пасля паражэння Расіі ў Крымскай вайне ў 1856 г. востраў зноў адышоў да Асманскай імперыі. У 1879 г. далучаны да Румыніі. Румынскія ўлады арганізавалі на ім ваеннае паселішча. Падчас I Сусветнай вайны Змяіны на кароткі час быў захоплены нямецкім крэйсерам "Брэслау"[7]. У 1944 г. на востраве высадзіліся савецкія маракі і без бою авалодалі ім.

У 1946 г. Змяіны афіцыйна далучаны да УССР. У 1948 г. падпісана пагадненне паміж СССР і Румыніяй, згодна якому Румынія пагаджалася з пераходам вострава да СССР. У савецкі час дзейнічала ваенная база. З 1991 г. у складзе незалежнай Украіны[8]. У канцы 1990-ых гг. паміж Румыніяй і Украінай узніклі тэрытарыяльныя спрэчкі з-за вострава і прылеглай акваторыі. Яны былі вырашаны ў 2009 г., калі Міжнародны суд ААН абвясціў рашэнне па справе аб дэлімітацыі кантынентальнага шэльфа і эканамічных зон Украіны і Румыніі ў Чорным моры[9]. Суд не паставіў пад сумнеў прыналежнасць Змяінага Украіне.

Інфраструктура[правіць | правіць зыходнік]

У 1998 г. востраў Змяіны атрымаў статус ахоўваемай тэрыторыі. У 2007 г. рашэннем Вярхоўнай Рады на востраве створана паселішча Белы[10]. Зацверджаны план яго развіцця[11]. Дзейнічаюць памежная застава, маяк, пошта, музей. Маюцца сталая паромная сувязь з Вілкава, мабільная сувязь і інтэрнэт[12]. Востраў наведваецца турыстамі.

Зноскі

Спасылкі[правіць | правіць зыходнік]