Касцёл Праабражэння Гасподняга (Вялікая Бераставіца)
| Каталіцкі храм | |
| Касцёл Праабражэння Гасподняга | |
|---|---|
 | |
| 53°11′34″ пн. ш. 24°01′10″ у. д.HGЯO | |
| Краіна |
 Беларусь |
| Гарадскі пасёлак | Вялікая Бераставіца |
| Канфесія | Рымска-каталіцкая царква |
| Епархія | Гродзенская дыяцэзія |
| Архітэктурны стыль | неаготыка |
| Архітэктар | Іван Капітонавіч Плотнікаў |
| Заснавальнік | І. Касакоўскі |
| Будаўніцтва | 1908—1912 гады |
| Статус |
 Гісторыка-культурная каштоўнасць Беларусі, шыфр 412Г000683 |
| Стан | дзейнічае |
 |
|
 Медыяфайлы на Вікісховішчы | |
Касцёл Праабражэння Гасподняга — каталіцкі храм у цэнтры пасёлка Вялікая Бераставіца на скрыжаванні вуліц Леніна і Матросава. Пабудаваны ў пачатку XX ст. у стылі неаготыкі.
Гісторыя
[правіць | правіць зыходнік]Касцёл закладзены 23 чэрвеня 1909 г. па праекце гродзенскага губернскага інжынера І. Плотнікава[1].
Узведзены ў 1912 г. з цэглы па фундацыі ўладальніка маёнтка графа І. Касакоўскага.
Закрыты 17 чэрвеня 1965 г. У 1989 годзе вернуты католікам. У 1990 годзе адрэстаўрыраваны (архітэктары А. Бабіцын, С. Шыйко).
Архітэктура
[правіць | правіць зыходнік]Помнік архітэктуры неаготыкі. Вырашаны прамавугольнай 3-нефнай базілікай з 5-граннай апсідай. Галоўны фасад атрымаў дынамічную, вертыкальна накіраваную кампазіцыю, завершаную 3-яруснай шатровай вежай-званіцай, якая на 2-м ярусе дэкарыравана накладным 2-ярусным гатычным шчытом. Вертыкальнасць узмацняюць ступеньчатыя контрфорсы і стральчатыя праёмы. Уваход вырашаны магутным арачным парталам, запоўненым дзвярамі з мастацкай акоўкай. Каларыстычнае вырашэнне будынка дасягаецца спалучэннем фактурнай «аксамітавай» муроўкі сцен і атынкаваных элементаў архітэктурнага дэкору: лапатак, карнізаў, ліштваў, ніш.
Гатычнай узнёсласцю вылучаецца і інтэр’ер храма, нефы якога перекрыты стральчатымі скляпеннямі з гуртамі. Драўляны амбон таксама вырашаны ў вытанчаных формах готыкі. Над нартэксам кансольны балкон арганных хораў, адкрытых у неф стральчатай аркай.
Зноскі
- ↑ Плотников Иван Капитонович // Кулагин А. Н. Деятельность гродненских зодчих XIX — начала XX в. (по архивным материалам) (руск.)
Літаратура
[правіць | правіць зыходнік]- Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 75. — 488 с. — ISBN 978-985-11-0395-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — С. 115. — 371 с., іл.
- Харэўскі, С. В. Культавае дойлідства Заходняй Беларусі 1915—1940 гг. — Вільня: ЕГУ, 2008. — С. 42. — ISBN 978-9955-77-13-9.
Спасылкі
[правіць | правіць зыходнік]
- Касцёл Праабражэння Гасподняга (Вялікая Бераставіца) на сайце Radzima.org
- Касцёл Праабражэння Гасподняга (Вялікая Бераставіца) на сайце Глобус Беларусі (руск.)
- Касцёл Праабражэння Гасподняга (Вялікая Бераставіца) на сайце Catholic.by (бел.)
