Кахін Мірзалі аглы Абілаў

Кахін Абілаў
Кахін Абілаў
	тал.: Kahin Əbilov (Mirzəlizodə)
Род дзейнасці	грамадска-палітычны дзеяч, прадпрымальнік
Дата нараджэння	16 сакавіка 1968
Месца нараджэння	Сальяны, Сальянскі раён[d], Азербайджанская ССР, СССР;
Дата смерці	25 мая 2020 (52 гады)
Месца смерці	Мінск, Беларусь;
Месца пахавання	Бёюк-Калатан[d];
Грамадзянства	Беларусь
Дзеці	Ідрак Мірзалізадэ[d]
Альма-матар	БНТУ;
Партыя	Сацыял-дэмакратычная партыя Азербайджана[d];
Сайт	tolishpress.org

Кахін Мірзалі аглы Абілаў (Мірзалізадэ; 16 сакавіка 1968, Сальян, Азербайджанская ССР, СССР — 25 мая 2020, Мінск, Беларусь) — талышскі^[1]^[2]^[3] і беларускі грамадска-палітычны дзеяч, мецэнат, прадпрымальнік. Дзеяч талышскага нацыянальнага руху.

Біяграфія

Кахін Мірзалі аглы Абілаў (Мірзалізадэ) нарадзіўся ў сям’і галоўнага інжынера-землеўпарадкавальніка мясцовага райвыканкама Мірзалі Абілава (1935−1995) і Гюлдасты Агаевай (1942−2018). У 1974 годзе ў сувязі з новым прызначэннем бацькі сям’я пераехала спярша ў Нефтэчалу, а пасля — у родную вёску Кюлятан у Масалінскім раёне^[4].

У 1985 годзе з адзнакай скончыў Кулятанскую сярэднюю школу, паступіў у Брэсцкі інжынерна-будаўнічы інстытут. У 1986—1988 гадах праходзіў вайсковую службу ў Архангельску, пасля чаго вярнуўся да навучання і перавёўся ў Беларускі політэхнічны інстытут у Мінску^[5].

У гады перабудовы з’яўляўся сябрам Беларускага Народнага фронту, а таксама Сацыял-дэмакратычнай партыі Азербайджана. Публікаваўся ў азербайджанскай газеце «Істыглал» і ў беларускім друку, дзе выступаў у абарону інтарэсаў азербайджанскай дыяспары, паведамляў пра палітычны пераслед у Азербайджане, асвятляў Карабахскую вайну. У 1990 годзе адлічаны з інстытута галоўным чынам за сваю палітычную дзейнасць^[4].

У 1992 годзе Кахін узначаліў групу журналістаў з Беларусі і Японіі, якая накіравалася ў Агдам дзеля асвятлення ваенных падзей Карабахскай вайны^[4].

У 1992 годзе разам з іншымі 12 аднадумцамі стварыў дабрачыннае таварыства «Бабек». Яно было створана з мэтай умацавання і развіцця культурных, эканамічных і палітычных сувязяў між Азербайджанам і Беларуссю і брала ўдзел у арганізацыі паездкі карабахскіх дзяцей разам з дзецьмі чарнобыльскіх перасяленцаў у Германію^[4].

Разам з беларускім паэтам Рыгорам Барадуліным падрыхтаваў зборнік перакладаў талышскай паэзіі на беларускую мову (не выдадзены)^[1].

Займаўся будаўнічым бізнесам, валодаў кампаніяй «Сімург Арт», якая ўдзельнічала ў пабудове царквы Святога Міхаіла Арханёла ў Жодзіне, татарскай мячэці ў Смілавічах, татарскага малітоўнага дома ў Маладзечне, цэнтральнай мячэці Мінска, рэканструкцыі мячэці ў Іўі і сінагогі ў Слоніме.

Падтрымліваў выданне талышскіх газетаў і кніг, быў адным з заснавальнікаў Міжнароднай фундацыі адраджэння талышскай культуры, талышскай нацыянальнай акадэміі. Займаўся таксама праваабарончай дзейнасцю: падтрымліваў талышскіх дзеячаў, якія зазналі пераслед у Азербайджане.

Памёр у маі 2020 года ад сардэчнай недастатковасці^[1]. Пахаваны ў роднай вёсцы Кюлятан (Азербайджан).

Сям’я

Ажаніўся ў 1990 годзе. Меў сына Ідрака^[d], вядомага стэндап-коміка, і дачку Арзу.

Зноскі

↑ ^а ^б ^в „Пнеўманія“. У Мінску памёр дзеяч талышскага нацыянальнага руху Кахін Мірзалізадэ (нявызн.). Культура. Рознае. Наша Ніва (26 мая 2020). Праверана 3 верасня 2021.
↑ Меджид, Фаик. Талыши Азербайджана скорбят по поводу смерти мецената Кахина Мирзализаде (руск.). Кавказский Узел (29 мая 2020). Праверана 3 верасня 2021.
↑ 25 мая Минске умер деятель талышского национального движения Кахин Мирзализаде (руск.). islam.by. Духоўная ўправа мусульман у Рэспубліцы Беларусі (27 мая 2020). Праверана 3 верасня 2021.
↑ ^а ^б ^в ^г Абилов, Игбал. Памяти Кахина Абилова (руск.). Regnum (13 чэрвеня 2020). Праверана 3 верасня 2021.
↑ Талышского Национального Движения и Правительства ТМАР в эмиграции совместное СОБОЛЕЗНОВАНИЕ (руск.)(недаступная спасылка). tolishstan (26 мая 2020). Архівавана з першакрыніцы 3 верасня 2021. Праверана 3 верасня 2021.

Спасылкі

Старонка УКантакце

[:1-1] а ^б ^в „Пнеўманія“. У Мінску памёр дзеяч талышскага нацыянальнага руху Кахін Мірзалізадэ (нявызн.). Культура. Рознае. Наша Ніва (26 мая 2020). Праверана 3 верасня 2021.

[:2-2] Меджид, Фаик. Талыши Азербайджана скорбят по поводу смерти мецената Кахина Мирзализаде (руск.). Кавказский Узел (29 мая 2020). Праверана 3 верасня 2021.

[:3-3] 25 мая Минске умер деятель талышского национального движения Кахин Мирзализаде (руск.). islam.by. Духоўная ўправа мусульман у Рэспубліцы Беларусі (27 мая 2020). Праверана 3 верасня 2021.

[:4-4] а ^б ^в ^г Абилов, Игбал. Памяти Кахина Абилова (руск.). Regnum (13 чэрвеня 2020). Праверана 3 верасня 2021.

[:0-5] Талышского Национального Движения и Правительства ТМАР в эмиграции совместное СОБОЛЕЗНОВАНИЕ (руск.)(недаступная спасылка). tolishstan (26 мая 2020). Архівавана з першакрыніцы 3 верасня 2021. Праверана 3 верасня 2021.

[1]

[2]

[3]

[4]

[5]